Grealish, Sancho, Messi leh Coutinho te transfer update

Manchester City nena sawi zawm Jack Grealish, Manchester United nena sawi zawm Jadon Sancho, Barcelona captain Lionel Messi leh Philippe Coutinho te transfer update thar ber kan rawn thailang ve leh dawn a ni.

England a report thenkhatin an tarlan dan chuan Aston Villa captain Jack Grealish chu 2020 UEFA European Championship khelh zawh rual hian a chhuak dawn niin an tarlang.

The Sun in an tarlan dan chuan kum 25 a upa Jack Grealish hi hralh an tum loh hnuah, an rilru an thlak leh a, tunah chuan 2021/22 season lo awm tur atan an chhuahtir dawn niin an tarlang a, mahse, a man tur diktak an hmuh chauhvin an hralh dawn niin an sawi bawk.

Grealish duhtu zingah hian Man City an langsar ber a, mahse, Premiere League champion hian lak luh an duh tak tak a nih chuan Grealish man atan £100 million lai an thehchhuah a ngai dawn a ni.

Transfer expert Fabrizio Romano sawi dan chuan, Man United in Borussia Dortmund winger Jadon Sancho chu an la lut hnai niin a sawi, Sancho hian Red Devils chauh zawm a duh nia sawi a awm bawk.

Bundesliga club lian Borussia Dortmund hian Premiere Leaugue club lian Man Utd hnenah an winger chu £72 million in an zawrh a, Jadon Sancho chungchangah English leh German lam hian inremna an neih thuai a rinawm.

Tunkar tir a report pakhat chuan Lionel Messi leh Barcelona te chu contract chungchangah an inbia niin an sawi a, Camp Nou lamah hian contract thar a sign belh a rinawm. Mahse, Spanish news pakhat Sport chuan tunah rih chuan eng thu mah an la sawilo niin an tarlang.

A tawp berah chuan AS chuan Philippe Coutinho hmalam hun tur chungchang an tarlang ve leh a, mahse, season thar lo awm tura atan amah duhtu an la awm lo niin an tarlang. Catalan club lian Brazilian player hi tun summer transfer ah an chhuahtir a rinawm. Season liamta khan a hun tam zawk chu hliamin a ti buai a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!