Georginio Wijnaldum thlaktu tur atan Liverpool lak tum midfielder 5

Hriat angin 2020-21 season kha Liverpool tan chuan season duhawm lo tak a ni kan ti thei awm a. An player rinrawl ten hliam an nei nuk a, duh angin an che tha lo. Mahse, season a tawp meuh chuan table-ah pathumna an hauh leh hram a ni.

Liverpool in Premiere League nomawi lak leh an duh a nih chuan, Jurgen Klopp hian transfer market-ah player tha a lak luh ngei a ngai dawn niin a lang. Tunah hian French defender rawlthar Ibrahima Konate an la lut tawh a ni.

Liverpool hian forward lam mamawh viau mahse, an certral midfield Georginio Wijnaldum’an Liverpool a chhuahsan avangin midfielder lam an mamawh ngei ngei dawn.

Wijnaldum hi Liverpool-ah kum 5 chhung teh meuh mai hun a hman chhung khan season tin games 47 khel ziah ang a ni. Season liamtaah khan matches 51 lai a khel a, tah Premiere League match 38 a khelh pawh a tel.

Jurgen Klopp hian dutchman Wijnaldum hmun luah khah nan player dang a zawn ngei a ngai dawn a, Jordan Henderson leh Thiago Alcantara te puihtu tur an lak luh ngei a ngai ang.

Liverpool midfielder Georginio Wijnaldum thlak theitu tura rinkai player 5 te kan rawn tarlang ve leh e.

5 Ruben Neves (Wolverhampton Wanderers)

Image

4 Pedro Goncalves (Sporting CP)

Image

3 Houssem Aouar (Lyon)

2 Nicolo Barella (Inter Milan)

1 Youri Tielemans (Leicester City)

Image

Source SL

Read More (Bruno Fernandes’an Season thar atangin a Jersey number duh ber a ha tawh dawn)

Portugal international Bruno Fernandes hian Manchester United-ah number 18 a ha a, a vanneih pui hle niin a lang, Premiere League match 51 a khelh atawh atangin goals 26 lai mai a khung a, assist vawi 19 a nei tling bawk.

Hriat angin Bruno Fernandes hi PFA Team of the Year ah a tel ve a, Ole Gunnar Solskjaer team-ah chuan thiampuipa ve ber a ni, Premiere League khelh zawh takah khan pahnihna dinhmun an hauh.

Manchester United player pawimawh ber pakhat a ni a, The Mirror in an tarlan dan chuan Season thar lo awm turah Fernandes hian a number thlak dawn niin an tarlang.

Fernandes favourite number chu 8 hi a ni a, Udinese leh Sporting CP tana a khelh lai khan alo ha thin tawh a ni. A ban-ah tattoo pawhin a chhu nghe nghe.

Spain international hlui Juan Mata chuan Man Utd-ah jersey number 8 a ha a, mahse, tun summer transfer lo awm turah hian a contract neih a zo dawn.

Kum 33 a upa Mata contract chungchang hi United nen an la sawi dun lova, player 8 chhuak tur zingah pawh a tello.

Man Utd-ah contract thar a sign lo a nih chuan No 8 hi a ruak dawn a, Bruno Fernandes hian a hak ngei a rinawm.

“No 18 hian awmzia tamtak a nei” tiin Bruno Fernandes chuan United official website a hrilh.

“Ka number duh a ni. Kum 3 liamta vel kha chuan no 8 ka ha thin, a chhan chu, ka pa player a nih laia a hak thin a ni a, ka birtday a ni bawk, ka number duh tak a ni.” tiin a sawi.

“Number 18 pawh hi ka nupui birthday a ni a, chhan dang pakhat chu Paul Scholes’an he number hi alo ha ve thin tawh, ka ha thei hi ka hlim a, tih tur tam tak ka nei tih hi ka hria.” tiin a sawi bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!