Gallery – Messi’an Ramos, Mbappe leh a teammate thar te a hmu

Paris Saint-Germain lak luh thar Lionel Messi chuan a club thara a teammate te a hmu a, tun hi a vawikhat hmuhna a ni.

Kan hriat angin PSG chuan Lionel Messi hi kum 2 chhung atan an la lut a, a jersey pawh hralh a kal hle niin report in an tarlang.

Vawiin khan Messi chuan training naah a teammate a zawm a, tuna a training hi PSG tana a training vawikhatna a ni. Copa America nomawi an chawi hnuah holiday hmangin a awm a, mahse, a holiday hman hi a pawtsei a ni.

PSG chuan Inrinni khian Parc de Princes-ah Strasbourg an hmachhawn dawn a, mahse, Ballon d’Or vawi 6 dawngtu Lionel Messi hi a khel dawn nge khel dawn lo tih erawh ala chiang thei bik lo.

“Ka khel dawn nge dawn lo tih ka la hre lo, tunah chuan chawlh ka hmang rih a, ka la thar hle. Nimin khan technical staff nen kan inbia” tiin Messi chuan a sawi niin Mirror in an tarlang.

“Kei mah tak pawh hian Pre-season khelh chu ka mamawh ve viauin ka hria, ka train tang anga, a hma thei ang berah khelh ngei ka tum ang. Mahse, ka khel ang tih erawh ka la sawi thei lo.” tiin a sawi bawk.

A hnuaiah hian Messi leh a teammate te thlalak thenkhat kan rawn tarlang e.

Source SL

Related Posts

Leave a Reply

Your email address will not be published. Required fields are marked *

error: Content is protected !!