Free Agent a chhuak thei tur Player tha 8

Transfer window a inhawng mek zel a, tun atanga ni reiloteah free agent a chhuak tur player tha 8 te kan rawn tarlang ve leh dawn a ni. Free agent a chhuak thei tur zingah hian Barcelona captain Lionel Messi pawh a tel.

Ningani atangin July thla a intan dawn a, vawiin ni thleng club tana contract la pawtsei lo an awm nual a, thla a tawp meuh chuan free agent in an chhuak thei dawn a ni.

Catalan club lian FC Barcelona chuan an superstar Lionel Messi chu contract an la pawhsei sak rih lova, hetihlai hian Catalan club lian Barca president chuan inringtawk takin Lionel Messi hian club a chhuahsan lovang tiin a sawi ve bawk.

Ballon d’Or vawi 6 lo dawng tawhtu Lionel Messi hi free agent a chhuah theihnan ni tlemte chauh a nei tawh a, mahse, mitamtakin Barcelona-ah hian contract thar a sign belh an ring a, Thla ral hma ngeiin Barcelona lamin Messi contract thar chungchang an ngaihtuah dawn niin report in a tarlang.

Tunah Messi hi Argentina tan 2021 Copa America a khel mek rih a, Bolivia an hmachhawn leh ang.

Real Madrid lam pawhin an skipper Sergio Ramos chu an chhuahtir dawn tih a chiang tawh a, a khelhna tur club la hmulo mahse, Paris Saint-Germain nena sawi zawm mek a ni.

Italy leh AC Milan goalkeeper Gianluigi Donnarumma pawh tunkar chhung hian free agent a a chhuah a rinawm a, PSG nena sawi zawm mek a ni ve bawk. Engpawhnise, a hnuaiah hian free agent a chhuak thei dinhmuna ding player tha 8 te kan rawn tarlang ve leh e.

Lionel Messi (Barcelona)

Sergio Ramos (Real Madrid)

Gianluigi Donnarumma (AC Milan)

Elseid Hysaj (Napoli)

Jerome Boateng (Bayern Munich)

Ryan Bertrand (Southampton)

Patrick van Aanholt (Crystal Palace)

Nikola Maksimovic (Napoli)

Source Sl

Related Posts

Leave a Reply

Your email address will not be published. Required fields are marked *

error: Content is protected !!