France Coach Didier Deschamps’an Ballon d’Or 2021 dawngtu tur a sawi

France head coach Didier Deschamps chuan Chelsea tana che tha tak N’Golo Kante chu Ballon d’Or dawngtu tur niin a sawi. France Natinional Team coach hian Kante chu club leh ram tan chak taka kalpuitu a nih thu a sawi chhuak.

Fan tamtak leh pundits tam zawk ten kumin Ballon d’Or chu Kante’an a dawn an ring vek a, Chelsea star Kante hi Champions League knock out stage-ah khan a tam zawk chu Man of the match tana thlan niin Final-ah pawh khan an thlang leh a nih kha.

Didier Deschamps hian December thla-ah a star player hian Ballon d’Or trophy a chawi dawn niin a sawi a. EURO khelh tur chungchanga an kawm naah media te a hrilh.

“NGolo Kante hian striker record neih ang a nei lo. Goal tlemte chu a khung thei maithei mahse, a game hnuhnung khelh te i thlir let chuan eng tiangin nge a chet tih i hre thei ang. A bik takin UEFA Champions League final-ah a che tha zual a, chak taka kalpuitu a ni.” tiin Deschamps chuan a sawi.

“Ballon d’Or maw, a phu a ni. Defender emaw midfielder a ni, a chhan chu kuminahhian kumin football a che tha tak attacking player an awm vak lo. France team chak taka kalpuitu a ni. Amah hi te viau mahse, a awmna hmun erawh a lianin a zau a ni.” tiin a sawi bawk.

N’Golo Kante hian kumin Ballon d’Or hi a dawng mai lovang maw?

Kum 2021 Ballon d’Or dawng thei tur zingah hian N’Golo Kante hi a langsar hle a, fans leh pundits tam zawk ten dawng tura an rin ber a ni. Mahse, vote thlak theih hmain thla 6 lai hun a la awm mek. Ballon d’Or dawng thei tur chuan defender leh midfielder aiin attacker te hian chance an nei tha zawk a, chuvang chuan thla 6 chhung pawhin a inthlak danglam thei a ni.

Tunah hian Robert Lewandowski’an N’Golo Kante chu Ballon d’Or-ah a challenge mek a, chak theihna chance pawh a nei tha hle. Kan hriat angin Bayern Munich star Lewandowski hi nikum pawh khan dawng tura rinkai ber a ni a, a dawn ngei ringtu pawh an awm nuk.

Engpawhnise, France in kuminah EURO nomawi an chawi thei a nih chuan N’Golo Kante hian a dawng ngei ang.

Source SK

Related Posts

Leave a Reply

Your email address will not be published. Required fields are marked *

error: Content is protected !!