France-a ka teammate in Bayern Munich zawm turin min hrilh

Paris Saint-Germain superstar Kylian Mbappe chuan France-a a teammate pakhatin Bayern Munich zawm tura a hrilh thu a sawi chhuak.

Ligue 1 lama Kylian Mbappe hmalam hun hi sawi theih a la ni lova, tunah hian club nen contract pawhsei chungchangah an inrem rih lova, kum khat daih chiah France lamah hian contract a nei tawh a ni.

Hetihrualin KylianMbappe hi Real Madrid lama insawn tur angin an sawi ve bawk. Tun hnai khan Bundesliga champions Bayern Munich chu a fak hle a, Les Blues lama a teammate Lucas Hernandez chuan Bavarians zawm turin a hrilh thu a sawi chhuak.

“Lucas Hernandez chuan Munich lama insawna Bayern tan khel turin min hrilh.” tiin Kylian Mbappe chuan SPORT BILD a hrilh.

“Bayern hi khawvel club tha 5 zinga 1 a ni. Kumtin maiin an squad quality a tha thei hle. An thil tih tur an hrechiang hle.”

“Tunah chuan Jerome Boateng leh David Alaba an chhuak tawh a, mahse, Dayot Upamecano an la lut leh. Defender tha tak a ni. Club ropui tak siam dan an chiang hle.” tiin Kylian Mbappe chuan a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!