Footballer ropui Ballon d’Or top 3 a lang ngailo 5

Ballon d’Or hi football-ah mimal chawimawina sang ber a ni tih chu hai rual a ni lo. Ballon d’Or lo dawng tawhtu te hi thlir let ta ila, player chhe zawk zawk an awm lo a ni.

Football history-ah Ballon d’Or dawng player an awm nual tawh a. Cristiano Ronaldo leh Lionel Messi chuan kum 10 chhung teh meuh mai he lawmman hi an dawng tawh a ni.

Anni pahnih hian Ballon d’Or 11 lai mai an dawng tawh a, FC Barcelona superstar Lionel Messi hian vawi 6 dawngin, kum 2019 khan Ballon d’Or hnuhnung ber a dawn pawh a tel. Cristiano Ronaldo hian vawi 5 a dawng ve bawk.

Hetihlai hian player tha legend tamtakin he award hi an dawng a, mahse, he award dawng ve ngailo, top 3 pawha lang pha ngai lo player tha 5 te kan rawn tarlang ve leh dawn a ni.

5 Thomas Muller

Germany v Argentina: 2014 FIFA World Cup Brazil Final

Thomas Muller hi player tha tak pakhat a ni. Football-ah club leh ram tan hlawhtlinna chang hnem pawl tak chu a ni ngei ang. Mahse, mimal chawimawina erawh a phu angin a dawng hnem vak lo.

Thomas Muller hian hlawhtlinna a chang hnem hle. Kum 2014 khan Germany chu FIFA World Cup nomawi a chawi pui a, Bayern Munich tan UEFA Champions League  nomawi a chawi pui bawk. Heng nomawi an chawi theihnaah hian player thawhhlawk tak pakhat a ni.

Bayern Munich in 2012-13 a trophy 3 lai an chawi tum pawh khan Muller hi a pawimawh hle. Kha season-ah khan goal 23 a khung a, goal 13 chu Bundesliga lama a khung a ni. UEFA Champions League-ah goal 8 a khung bawk.

Ram leh Club tan che tha viau mahse, Football-a mimal chawimawina sang ber Ballon d’Or erawh a dawng ngai lo, top 3 ah pawh a la awm ngailo an i. A thleng san ber tumah top 5 a hauh pha tawk.

4 Andrea Pirlo

Mexico v Italy: Group A - FIFA Confederations Cup Brazil 2013

Andrea Pirlo hi tunlai football-ah chuan midfield magician tia sawi a ni. A khelh lai en tawh te tan chuan a khelh that theih zia leh a ball khawih hrim hrim a smooth zia a hriat theih.

Andrea Pirlo pawh hian a career-ah hlawhtlinna tamtak a chang ve a, kum 2006 khan Italy chu FIFA World Cup nomawi a chawi pui a, hemi hnu kum khat velah AC Milan tan UEFA Champions League nomawi a chawi leh. Italy in World Cup nomawi an chawi tumah khan match 3 lai maiah man of the match nihna a hauh.

Football mimal chawimawina sang ber Ballon d’Or erawh a dawng ngailo, top 3 ah pawh a lang pha ngailo. Top 3 a teuh ve berna chu kum 2007 khan a ni, kha tih lai khan 7 na dinhmun a hauh. Kaka chuan Ballon d’Or a dawng.

3 Wayne Rooney

Manchester United v Aston Villa - Premier League

Euro 2004-ah a chet that em avangin mi tamtak mak tih a tling. Europe ram tha tak tak hmachhawn mahse, player che tha ber pawl a ni thei zel. Manchester United lamah career duhawm tak a hmang.

Wayne Rooney hi hmatlar leh midfield-ah pawh a khel thei a, Player tha tak, tharum ngah tak a ni.

2007-08 season khan Man Utd chu Premiere League nomawi leh UEFA Champions League nomawi a chawi pui a, 2019-10 season leh 2011-12 season khan Manchester United tan all competion-ah goal 34 ve ve a khung a, United player atanga khung hnem ber a ni. 2019-10 season leh 2011-12 season-ah hian UCL final an lut ve ve a, mahse, a tlawm zawkah vawi 2 ngawt an tang. Kum 2010 khan PFA Player of the Year tana thlan a ni nghe nghe.

Hetiang khawpin che tha mahse, Ballon d’Or top 3 ah ala lang pha ngai lova, kum 2011 khan top 5 a hauh pha a, hei hi a thlen san ber tum a ni.

2 Johan Neeskens

Johan Neeskens

Dutch history-ah midfielder ropui ber a ni, a khelh lai hmu pha lo mah ila, player tha tak a ni tih chu a chiang. 1974 FIFA World Cup nomawi a chawi a, FIFA World Cup all Star Team-ah thlan a ni bawk. Ballon d’Or a a thlen san ber tum chu top 5 a ni.

1 Luis Suarez

Luis Suarez during his Barcelona days

Luis Suarez that zia chu sawi tam lo mah ila kan hre vek awm e. Liverpool-ah hun duhawm tak a hmang. Goal khung lamah phei chuan a tha hle. 2015-16 season-ah khan all competion match 58 a khelh atangin goal 53 lai a khung a nih kha.

Mahse, Ballon d’Or top 3 ah a la lang ngai lova, a thlen san ber tum chu 5 na tho a ni.

Source SK

Related Posts

Leave a Reply

Your email address will not be published. Required fields are marked *

error: Content is protected !!