Footballer Legendary 5 Chelsea Zawm Teuh Deuh Te

Chelsea Football Club-ah Transfer window hi pangai takin a kal mang lova, tun hma atang tawhin, player tha tamtak nena sawi zawm an lo ni thin tawh, thenkhatte an lak luh laiin, thenkhatte erawh an la lut lem lo.

Tun tumah hian Chelsea nena sawi zawm player tha legend 5 mahse, an lak luh si loh, an lak luh tep te kan rawn tarlang dawn a ni.

Abramovich hunah hian Chelsea in player tha legend tia sawi tur an awm tam vak lo, kum 2003 atang khan Roman Abramovich hian Chelsea Football Club a enkawl tan a, pawisa hi buaina lian ber a ni ngai lo.

Roman Abramovich’an Chelsea a neih hma khan, Chelsea hian player tha an kawl ve nual, Gianfranco Zola, Gianluca Vialli leh Ruud Gullit te pawh an awm a ni.

Mi hausa tih takah Roman Abramovich hian player tha lak luh nan sum a uilo hle, a hun chhungin player man to tak tak ala lut nual tawh a, mahse, player tha thenkhat a lak luh loh te kan rawn tarlang ve leh dawn a ni.

Heng Legendary 5 te hian Chelsea an zawm teuh hle

5 DANI ALVES

Dani Alves hi kum 10 liamta vel atang khan khawvel full back tha ber pakhat a ni. A bik takin FC Barcelona lamah Pep Guardiola hnuia a khelh lai khan a tha hle. Dani Alves hi Camp Nou ah kum 8 lai mai hun a hmanga, hemi chhung hian trophies 23 lai mai a chawi pui hmang a ni. Kum 2007 khan Chelsea a zawm teuh hle niin an sawi.

Kha tih lai khan Jose Mourinho chuan Chelsea a enkawl a, Sevilla atang Chelsea lamah Dani Alves lak luh duhtu a ni.

Dani Alves hian Chelsea chu mimal thilah a remsiam pui tawh a, Chelsea lam pawhin an lak luh theihna turin sum thahnem tak an thehchhuak tawh bawk. Journalist pakhat chuan tun atanga ni reiloteah hian Chelsea player ani tawh dawn tiin a sawi nghe nghe.

Mahse, Sevilla president Jose Maria del Nino chuan darkar 11 chhungin a block ta daih a ni.

Sevilla lamah season khat hun a hman hnuin kum 2008 khan FC Barcelona a pan ta a ni.

4 ANDREA PIRLO

Khawvel player tha Chelsea zawm teuh zingah a tel ve tlat. Andrea Pirlo hian kum 2019 interview an neih pui naah ti hian a sawi, kum 2009 khan Chelsea lamah Carlo Ancelotti a zui tep thu a sawi. Mahse, Chelsea lamah a insawn thei lem lo.

Kha tih lai season ah khan AC MILAN chu an che buai hle, an player pawimawh tak pakhat Kaka chuan club chhuahsanin Real Madrid a pan a ni.

3 STEVEN GERRARD

Liverpool legend Steven Gerrard hian kum 2005 khan Chelsea a zawm teuh hle. Hemi kum hian Gerrard chuan European lamah Liverpool chu hnehna a chan pui a ni.

Jose Mourinho chuan Steven Gerrard lak luh chu a duh hle. Mi tamtakin Gerrard leh Lampard khelh dun lai chu an en chak ber pakhat a ni.

Gerrard’an Chelsea a zawm hnai tih an hriat chuan Liverpool fans tamtak thin a rim a, vo tu pawh a tawng nual, duh lohna an lan tir a, jersey te an hal niin report in a tarlang. Hei vang hian Gerrard chuan chuan Anfield ah rei tak awm a tum ta a ni. Mahse, Liverpool tan League nomawi erawh a chawi ngailo.

2 NEYMAR

Khawvel Player man to ber a nih hma daih tawh atang khan Chelsea chuan Neymar hi an lo la lut teuh hle. A agent Wagner Ribeiro chuan Chelsea chu Neymar la thei tur zingah an langsar ber niin a sawi. Chelsea lam pawhun Neymar man atan pawisa tam tham tak pe thei turin an inring tawh niin an sawi bawk.

Kha tih lai kha kum 2010 vel niin, Neymar khan a nu leh a unaunute hlata hun hman chu a duh rih lova Chelsea chu a hnawl ta a ni, mahse kum 2013 khan FC Barcelona chuan an la lut. kum 2013 khan

1 RONALDINHO

Camp Nou lamah Lionel Messi a vul tak tak hma kha chuan Ronaldinho hi FC Barcelona player tha tak pakhat a ni.

Kum 2008 khan Barca president Joan Laporta chuan Ronaldinho hian chona thar a hmachhawn a ngai tiin a sawi a, Ronaldinho hian Ac Milan a zawm reng bawk a ni. Kum 2007 khan Chelsea pawhin an la lut teuh hle, ROman abramovich pawhin Ronaldinho man atan sum tam tak thehchuah a phal. Mahse, an la lut theilo a ni.

SOurce Sl

Related Posts

Leave a Reply

Your email address will not be published. Required fields are marked *

error: Content is protected !!