Football khawvela Ke Ding Lam hmang thiam player 5

Football-ah hian ke vei lam hmang hi an tam vak lova, Football player tam zawk te hian ke ding lam (right foot) an hmang rim zawk a ni. Player ropui thenkhatte chuan an ke ding lam an hmang rim zawk a, ke ding lam hmang thiam tia player tha han thlan chhuah tawp mai chu thil awlsam lo tak a ni ngei ang.

Football-ah level sang tak thleng thei tur chuan ke ding lam leh vei lam hman thiam kawp a ngai hle niin a lang. Ke ding lam leh vei lam hmangthiam te chu defender tan pawh check harsa tak a ni ngei ang.

Sportskeeda chuan football khawvela ding lam hmang thiam player 5 te a tarlang a, kan rawn tarlang ve leh dawn a ni.

5 Kylian Mbappe – France/Paris Saint-Germain

France v Switzerland - UEFA Euro 2020: Round of 16

Kylian Mbappe hian Euro 2020 a khel tha vak lova. 2020-21 season khelh lai kha chuan a che tha hle a, defender tan mangchhia a ni thin. Mahse, 2020 Euro-ah erawh beisei a pha lo.

Kum 23 a upa Kylian Mbappe hi kum 5 dawn tep chu khawvel player tha ber pakhat anga sawi a ni tawh. France in 2018 World Cup nomawi an chawi tumah pawh khan player pawimawh ber pakhat a ni. Dribbling-a a that em avang hian khawvel attacker hlauhawm ber pakhat a ni.

4 Kevin De Bruyne – Belgium/Manchester City

Belgium v Italy - UEFA Euro 2020: Quarter-final

Tunlai midfielder-ah chuan Kevin d Bruyne hi tha ber pakhat a ni. Club tan leh ram tan a che tha thei hle. Manchester City in hlawhtlinna an chan hrang hrangah hian player pawimawh tak pakhat a ni.

Kum 2019-20 season ah khan Premiere League season khata assist nei hnem ber record neitu Thierry Henry record neih a khum a nih kha. 2020-21 season khan Man City chu Premiere League nomawi leh Carabao Cup nomawi a chawi pui.

Image

2020/21 season khelh zawh takah khan all competion-ah match 40 a khelh atangin goals 10 a khung a, assist vawi 18 a nei tling. PFA Player of the Year atan thlan tlin a ni bawk.

3 N’Golo Kante – France/Chelsea

Manchester City v Chelsea FC - UEFA Champions League Final

2020/21 season liamtaah khan Chelsea tan a che tha hle, FA Cup final an luh mai bakah UEFA Champions League nomawi an chawi a ni.

Chelsea thatna pakhat chu N’Golo Kante vang hi a ni ti ila kan sawi sual awm love.

2 Cristiano Ronaldo – Portugal/Juventus

Belgium v Portugal - UEFA Euro 2020: Round of 16

Cristiano Ronaldo hi khawvel player ropui ber pakhat a ni, tunah hian kum 36 a upa a ni tawh a, mahse, goal khung lamah a la duailo hle.

2020-21 Season khelh zawh takah khan Serie A Golden boot a dawng a nih kha.

1 Robert Lewandowski – Poland/Bayern Munich

Sweden v Poland - UEFA Euro 2020: Group E

Robert Lewandowski hian goal a khung thei hle, 2020 Ballon d’Or kha sem ta se, a dawn ngei a rinawm. 2020-21 season khelh zawh takah khan Bundesliga match 29 a khelh atangin goal 41 lai a khung tling a ni.

All competion-ah match 40 a khelh atangin goal 48 a khung bawk. Ke ding lam hmang thiam ber a ni.

Source Sportskeeda

Related Posts

Leave a Reply

Your email address will not be published. Required fields are marked *

error: Content is protected !!