Football history-a Midfielder man to Top 5 te

Midfielders te hi football team-ah chuan player thawkrim tak pakhat anni a, attack leh defense karah an pawimawh hle.

Football position dang ang thovin, midfielders ah hian box to box an awm aw, central, defensive, attacking leh a dang pawh an awm ve a ni. Midfielder-a awm tur hian player quality nei tha tak leh ball thiam deuh te pawh a ngaihchang a awm ve fo mai.

Kum tamtak chhung chu midfielder te hian fak an hlawh nasa a, an man pawh a to ve thei hle. Tun tumah hian football history a midfielder man to top 5 te kan rawn tarlang ve leh dawn a ni.

5 Zinedine Zidane – €77.5 million

Zinedine Zidane

Zinedine Zidane hi game a player tha ber pakhat anga sawi thin ani a, kum 2001 summer transfer lai khan Real Madrid chuan Zinedine Zidane hi an la lut a ni.

Zizou hi Real Madrid tan hriat hma a sawn chak hle a, Bayer Leverkusen laka goal a khung atang kha chuan mitamtakin an hre tan der tawh, hei mai ani lo, kum 5 chhungin Real Madrid chua UEFA Champions League nomawi vawi 3 na a chawi pui nghal a ni.

Mahse, Zidane hi Real Madrid tan goal khungtu tha ber erawh a nilo maithei, match 200 a inlan atangin goal 49 chiah a khung thei a, assist erawh vawi 68 lai a nei tling. Kum 1998 Ballon d’Or winner Zidane hian Madrid squad-ah a inthlang ve thin.

4 Kai Havertz – €80 million

Kai Havertz

Kai Havertz hi tunlai rawlthar midfielder tha ber pakhat anga sawi a ni. Kum 2020 summer transfer lai khan Chelsea chuan Stamford Bridge lamah an la lut a nih kha.

Frank Lampard hnuaiah khan duh angin a che tha vak lova, mahse, Thomas Tuchel’an Chelsea a rawn enkawl atangin hma a rawn sawn chho viau, UEFA Champions League final Chelsea leh City an khelh tumah pawh khan goal awmchhun thuntu a ni.

Leverkusen lama a awm lai khan 2019-20 season ah goal 19 lai a khung, Euro 2020 ah Germany chuan goal 5 an khung a, he ta tanga goal 2 a khung a ni.

3 Frenkie de Jong – €86 million

Frenkie <a href=

Ajax in 2018-19 Champions League semi finals an thlen theihnaah Frenkie de Jong hi player che tha tak pakhat a ni. Kha tih lai khan European club lian Real Madrid leh Juventus an hneh.

Rei vak lovah Barcelona chuan Camp Nou lamah €86 million laiin Camp Nou lamah an la lut a, tunah pawh Barcelona player rinrawl ber pakhat a ni.

2 Paul Pogba – €105 million

Paul Pogba

Kum 2016 summer transfer khan Manchester United chuan Juventus atangin €105 million laiin an la lut a, mahse, player class tak leh quality nei tha tak ni chuning Old Trafford lamah erawh a chet dan a tha chiah lo.

English club lian tan hian match 200 chuang khel tawhin goal 42 a khung mai bakah assist vawi 45 lai a nei tling tawh a ni.

1 Philippe Countinho – €135 million

Philippe Coutinho

2017 summer transfer lai khan FC Barcelona chuan khawvel midfielder to ber ni turin Liverpool atang Philippe Countino hi an la lut a, mahse, Camp Nou lamah beisei a pha lo hle, Bayern Munich lamah te loan in a khel kual leh a ni.

Related Posts

Leave a Reply

Your email address will not be published. Required fields are marked *

error: Content is protected !!