Ferguson’an Man Utd target Jadon Sancho chungchang a sawi

Sir Alex Ferguson chuan Jadon Sancho chungchang a ngaihtuah nasat thin zia a sawi a, Manchester United target Sancho hi Euro 2020-ah England tan a chet that viau a ring.

Kum 21 a upa Jadon Sancho hi Borussia Dortmun tan season a hmang tha hle a, all competion match 38 a inlan atangin goal 16 a khung mai bakah assist vawi 20 lai a nei tling a ni.

Dortmund star Sancho hi summer transfer hmasa zawk atang khan Manchester United nen sawi zawm a ni tawh a, mahse, German club Dortmund lam hian Sancho man atana £100 million an hauh chu, United tan a tam deuh a ni ang nge an la lut lo a nih kha.

Tun hnaiah Red Devils leh Sancho hi sawi zawm leh anni a, Man United lam hian Sancho man atan £60 million an thehchhuak a, mahse, Dortmund lamin an hnawl leh niin report in a tarlang.

Borussia Dortmund hian an player man atan hian £77.5 million an hauh a, hetah hian add-ons £4.25 million pawh a tel a ni.

Euro 2020 England squad-ah Jadon Sancho hi tel mahse, 1-0 a Croatia an hneh tum khan a khel lo a ni.

Hetihlai hian Sir Alex Ferguson chuan Borussia Dortmund winger Jadon Sancho hi Euro tournament-ah England tan a tangkai thei viau dawn niin a ring.

Kum 79 a upa Scotsman chuan ti hian a sawi, “Sancho hi attacker hlauhawm tak a ni.” niin a sawi.

“Jadon Sancho hi ka ngaihtuah tam hle, assister leh goal khung thei tak a ni a, a hlauhawm tak zet.” tiin Sir Alex Ferguson chuan Sport Witness a hrilh.

“A tha hle a, team a puih nasa hle. England tan Euro tournament tawp thlengin a hlu viau thei a ni.” tiin a sawi bawk.

Sportbible

Related Posts

Leave a Reply

Your email address will not be published. Required fields are marked *

error: Content is protected !!