FC Barcelona-ah Lionel Messi’an 2021/22 season a record a siam theih tur 7 te

Kan hriat angin Lionel Messi tan chuan kum 2021 hi a career-a ropui ber pakhat ani ngei ang, a career-ah a vawikhatna atan Argentina chu nomawi a chawi pui a, Copa America 2021 nomawi an chawi a nih kha.

Lionel Messi hian FC Barcelona lamah contract thar a sign thuai a rinawm a, tunah hian club lamah kir tawhin pre-season tan a inbuatsaih ve mek niin an sawi, 2021-22 season ah pawh hian nomawi dang pawh la chawi belh zel a tum hle.

Lionel Messi, FC Barcelona

Kan hriat vek angin, Argentina legend Lionel Messi hian a game khelh apiangah record thar a siam mai bakah midang record neih sa thenkhatte a khum chh zel a ni.

Season thar 2021-22 lo awm turah hian Lionel Messi’an record thar siam theih tur a nei nual leh a, chung zinga langsar zual 7 te kan rawn tarlang ve leh dawn a ni. Heng kan rawn tarlan tak te hi a siam thei leh mai lovang maw?

500 Lionel Messi hian Spanish league sang ber La Liga goal 500 khung tling turin goal 27 chiah a mamawh tawh, tun season-ah a goal 27 a khung thei a nih chuan a mak hran lovang.

35 Club pakhat tana trophy chawi hnem Ryan Giggs hian trophies 35 lai a chawi tawh a, Lionel Messi’an trophy akhat a chawi thei a nih chuan Ryan Giggs record neih hi pha thei dawn a ni.

38 Lionel Messi hian club leh ram tan trophy 38 lai a chawi tling tawh a, player trophies chawi hnem ber Dani Alves chu 7 in a la phak lo a ni. Dani Alves hian titles 45 lai a chawi tawh.

Argentina’s Lionel Messi holds the trophy as he celebrates with the team after beating 1-0 Brazil in the Copa America final soccer match at the Maracana stadium in Rio de Janeiro, Brazil, Saturday, July 10, 2021. (AP Photo/Andre Penner)

151 Leo Messi hian UEFA Champions League match khelh tam lamah Xavi Hernandes chu game 2 chiahin a phak lova, tun season-ah hian a phak thei dawn a ni. Xavi hian match 151 lai a inlan thei.

800 Lionel Messi hian all competions-ah goal 800 khung tlinna turin goal 33 chiah a mamawh tawh.

18 Tun season hi Lionel Messi tan Barcelona ah season 18 a awmna tur a ni.

7 Messi’an Argentina chu nomawi a chawi pui a, hemi hnu hian Ballon d’Or award dawng tura rinkai ber pakhat a rawn ni chho leh mek, a dawng thei a nih ngat chuan vawi 7 a dawnna tur a ni.

Lionel Messi, FC Barcelona

Soure 90Min

Related Posts

Leave a Reply

Your email address will not be published. Required fields are marked *

error: Content is protected !!