Fantasy Premier League 2021/22 season atana thlan tur Forward tha 10 te

Premiere League season thar pawh kan hnaih leh tawh hle mai, Fantasy Premiere League lama tuimi te tan chuan team rem dik kha a pawimawh leh dawn hle.

A hma tlar 3 thlan kha a harsa thei riau a, tun tumah hian thlan tur forward tha 10 te kan rawn tarlang ve leh dawn a ni. Mahse, tunah hian transfer window a la inhawn rih avangin, kan rawn tarlan te hi chhuak thut thei dinhmunah an la ding mek.

Fantasy Premier League 2021/22 season atana thlan tur Forward tha 10 te

10. Pierre-Emerick Aubameyang | Arsenal | £10m

Pierre-Emerick Aubameyang

Season khelh zawh takah khan Arsenal star Aubameyang hi duh angin a che tha lo hle. Mahse, FPL stats lamah chuan a tha ang reng hle. Gabon INternational hian season khelh zawh takah khan goal 10 a khung a, assist vawi 3 a nei tling, total point hi 131 lai a ni.

9. Timo Werner | Chelsea | £9m

Timo Werner

Chelsea lamah seasson khat chauh hmang mahse, Stamford Bridge atang chhuak tur anga sawi mek a ni. 2020-21 season-ah khan Premiere Leageu season hmasa ber a khel a, goal 18 lai maiah a inhnamhnawih a ni. Mahse, goal 6 chiah a khung a, CHelsea hian an chhuahtir phal dawn nge dawn lo ala chiang rih lo.

8. Gabriel Jesus | Man City | £8.5m

Gabriel Jesus

Man City striker Sergio Aguero’an FC Barcelona a pan hnuah, Gabriel Jesus hian City tan hming chher theihna huntha a nei. Season khelh zawh takah khan goal 14 lai a khung a, Premiere Leageu season thar tan tirh atanga a chet that nghal chuan regular taka a khelh theih a rinawm.

7. Jamie Vardy | Leicester City | £10.5m

Jamie Vardy

Jamie Vardy hi Fantasy Premiere League a player man to ber pahnihna a ni. Season khelh zawh takah khan points 178 lai a hlawh chhuak. Leicester City tan goals 15 a khung mai bakah assist vawi 14 a nei tling. Premiere League season 7 liam ta chhung khan points 120 aia tlem a hlawh chhuak ngai lo. Tha ve pangai tak chu a ni.

6. Harry Kane | Tottenham | £12.5m

Harry Kane

Rinhlel rual lovin Harry Kane hi tunlai football khawvela strikers tha ber pakhat a ni. Tottenham atanga chhuak tur angin sawi a awm mek. Khawihmunah pawh kal se, FPL XI ah chuan a la tel theih tho a rinawm.

Season khelh zawh takah khan League goal 37 lai maiah a inhnamhnawih. GOal 23 a khung mai bakah assist vawi 14 lai a nei tling. FPL a point score tam ber pakhat a ni, point 242 lai a score thei.

5. Teemu Pukki | Norwich City | £6m

Teemu Pukki

Kan hriat angin Norwich chu Premiere League lamah an rawn kir leh a. Premiere League an tel hnuhnung berah khan Pukki hian points 139 lai a score.

4. Chris Wood | Burnley | £7m

Chris Wood

Bunrley star Wood hian Premiere League ah goal 11.5 a inhnamhnawih reng ang a ni.

New Zealand tan Olympics Games khel tur zingah a tel, Premiere Leageu lamah points 130 lai a score.

3. Ollie Watkins | Aston Villa | £7.5m

Ollie Watkins

Ani pawh hi goal khung leh assist lama duai lo tak pakhat a ni. A man a tlawmin a che tha thei hle.

2. Patrick Bamford | Leeds United | £8m

Patrick Bamford

Season khelh zawh tak khan Bamford tan chuan season tha ber pakhat a ni, Premiere Leageu bikah goals 17 a khung mai bakah assist vawi 11 lai a nei tling. FPL ah points 200 lai a score thei a ni. Season tharah pawh a chet that chhunzawm zel a rinawm.

1. Dominic Calvert-Lewin | Everton | £8m

Dominic Calvert-Lewin

Calvert Lewin hi Carlo Ancelotti hnuaia che tha tak pakhat a ni. Premiere Leageu goal 16 a khung mai bakah assist vawi 6 a nei tling. Season tharah pawh hian a bon leh viau maithei.

Source 90 min

Related Posts

Leave a Reply

Your email address will not be published. Required fields are marked *

error: Content is protected !!