European Golden Boot dawng tam zual Top 5

European Golden Boot award hi European Golden Shoe tia hriat a ni bawk, he lawmman hi European top league atanga goal khung hnem hnenah hlan a ni. Kum 1968 atang khan sem tan niin, L’Equipe chuan kum 30 chuang an sem chhuak ve hman. Kum 1997 atang khan European Sports Media chuan an pe tan ve a ni.

Kum tamtak chhung chu player tha tamtak ten European Golden Boot hi an lo dawng tawh a. Season liamtaah khan Bayern Munich striker Robert Lewandowski chuan goal 41 lai khungin a vawikhatna atan Golden Boot Award a dawng ve a ni.

Mahse, player thenkhatte chuan European Golden Boot hi vawi khat ai tam an lo dawng tawh a, vawi khat ai tam he lawmman dawng thei player 5 te kan rawn tarlang ve leh dawn a ni.

5 Gerd Muller – 2 (1969-70, 1971-72)

Gerd Muller

A nicknamed chu ‘Der Bomber’ a ni, Gerd Muller hi Bundesliga history-a goal khung hnem ber niin goal 365 lai a khung, Bundesliga history-ah goal 277 ai tam khung thei player dang an la awm lo.

Muller’an Golden Shoe award hmasa ber a dawn tum khan games 33 a khelh atangin goal 38 lai a khung a ni. Kum 2 hnuah, a vawi hnihna atan Golden Shoe a dawng leh a ni. Hetih lai hian goal 35 a khung a, kum 50 chhung dawn lai mai khum thei an awm lo, mahse, 2020-21 season khan Robert Lewandowski chuan goal 41 khungin a khum ta a ni.

4 Thierry Henry – 2 (2003-04, 2004-05)

Thierry Henry

Thierry Henry hi Premiere League history-a striker tha ber pakhat anga sawi thin a ni. Goal 175 lai khungin, Premiere League history-a goal khung tam lamah parukna dinhmun a hauh mek.

Kum 1999 khan Premiere League club Arsenal a zawm a, Arsenal-ah season 7 a awm chhung khan season khatah league goal 17 ai tlem lo a khung ziah a ni.

2003/04 season ah khan Thierry Henry chuan goal 30 khungin a vawikhatna atan European Golden Boot a dawng a, a kum leh ah goal 24 khung lehin a dawng leh, hetihlai khian goal 24 a khung mai bakah assist vawi 20 lai a nei tling bawk.

3 Luis Suarez – 2 (2013-14, 2015-16)

Luis Suarez

Luis Suarez hi tun generation-ah strikers tha ber pakhat a ni a, Golden Boot vawi 2 a dawng tawh.

2013/14 season ah khan Liverpool tan goal 31 khungin Cristiano Ronaldo nen Golden Boot an dawng. Mahse, Luis Suarez chuan Golde Boot a dawng.

2015/16 season khan Barcelona lamah insawnin, Goal 40 a khung hnuah a vawihnihna atan Golden Boot a dawng leh a ni.

Summer transfer hmasaah khan Camp Nou chhuahsanin Atletico Madrid a zawm a, La Liga nomawi a chawi pui leh a ni.

2 Cristiano Ronaldo – 4 (2007-08, 2010-11, 2013-14, 2014-15)

Cristiano Ronaldo

1 Lionel Messi – 6 (2009-10, 2011-12, 2012-13, 2016-17, 2017-18, 2018-19)

Lionel Messi

European Golden Boot dawng hnem ber a ni mek.

Source Sl

Related Posts

Leave a Reply

Your email address will not be published. Required fields are marked *

error: Content is protected !!