Europe Top 5 league atang Kum 35 pel tawh Attacker tha zual Top 10 te

Tun Season khelh mekah Cristiano Ronaldo hian Manchester United tan goal 9 a khung der tawh a, mahse, Europe top 5 leagues atanga kum 35 chunglam attackers tha zual top 2 a hauh pha lo.

Kan hriat angin summer transfer lai khan Manchester United chuan kum 12 hnuah an player hlui Cristiano Ronaldo an la lut leh a, football chanchin a luahkhat hneh hle a nih kha.

Juventus lamah hun a hman hnuin kum 36 a upa C Ronaldo hian a club hlui Man United a pan a ni.

Juventus lamah season 3 lai hun a hman chhung khan goal 100 ai tam a khung a, football history-ah goal khungtu ropui ber pakhat anga sawi a ni, senior career-ah goal 798 lai a khung tling tawh a ni.

Red Devils tan pawh hian a che chhe lem lo, tun season khelh mekah match 12 a inlan tawh atangin goal 9 a khung tawh a, mahse, kum 35 chunglam attacker tha zualah pathumna chauh a hauh pha a ni.

Engpawhnise tun tumah hian Europe top 5 league atangin kum 35 emaw a aia tam attacker tha zual top 10 te kan rawn tarlang ve leh dawn a ni.

10) Salva Sevilla, Mallorca (1 goal, 2 assists)

Kum 38 a tlinna birthday a lawm atangin thla 4 a liam leh tawh. Sevilla hian Mallorca a zawm lai hian third tier-ah an la khel a, a career-ah vawi 3 lai mai promotion a hmu tihna a nih chu.

Real Betis leh Espanyol midfielder hlui Sevilla hi Mallorca tan player pawimawh tak a ni mek.

9) Fabio Quagliarella, Sampdoria (1 goal, 2 assists)

Italy international hlui hi tunah hian kum 38 laia upa a ni tawh, tun season khelh mekah Sampdoria tan match 9 lai a start tawh a ni.

Quagliarella hian a career-ah Serie A goal 178 lai a nei tawh a, 2018-19 season ah phei kha chuan goal 26 lai a khung thei a ni.

8) Jimmy Briand, Bordeaux (2 goals, 1 assist)

Briand hi season 19 chhung teh meuh mai Ligue 1 player alo ni tawh. France international tan pawh vawi 5 a khel ve tawh a ni. Bordeaux tan player pawimawh tak pakhat ala ni.

7) Ismael Traore, Angers (3 goals, 0 assists)

Ivory Coast central defender Traore hi tun season khelh mekah a che tha ang reng hle. Ligue 1 goal 3 a khung a ni.

6) Olivier Giroud, Milan (4 goals, 0 assists)

Giroud hi goal khung thei tak a ni a, tunah pawh hian regular takin France national team tan pawh ala khel zak zak a ni.

Tunah hian kum 35 a upa ni tawh in, tun season Serie A khelh mekah match 7 inlan tawhin goal 4 a khung a ni.

5) Burak Yilmaz, Lille (2 goals, 3 assists)

4) Zlatan Ibrahimovic, Milan (3 goals, 2 assists)

October thla khan kum 40 a tling, Ibrahimovic hi kum 10 chhung chu goal khung thei tak player a ni.

Kum 1999 khan Zltan chuan Swedish club Malmo tan goal a khung tan a, vawiin ni thleng goal khung thei tak pakhat a la ni, kum 40 a tling ve tawh mahse, a fitness ala tha ang reng hle.

Season hmasa khan Serie A goal 15 lai a khung a, tun season khelh mekah game 6 a inlan atang goal 3 a khung tawh bawk.

3) Cristiano Ronaldo, Manchester United (4 goals, 1 assist)

2) Radamel Falcao, Rayo Vallecano (5 goals, 0 assists)

Colombian striking legend Falcao hi kum 8 hnuah La Liga lamah kir lehin, rawn kai thar Rayo Vallecano a zawm a ni.

Tun season khelh mekah league match 8 a khelh tawh atang goal 5 a khung a, FC Barcelona an hmachhawn tumin khat a khung a hnehna an chang, kha tih lai khan FC Barcelona chuan Ronald Koeman an ban.

1) Edin Dzeko, Inter (7 goals, 2 assists)

Manchester City striker hlui Dzeko hian Roma atangin Serie A champion Inter Milan a zawm a, Chelsea zawmtu Romelu Lukaku a thlak a ni.

March thlaah khan kum 35 tlinna birthday a lawm der tawh, goal khung lamah ala duai lo hle.

Source Mirror

Related Posts

Leave a Reply

Your email address will not be published. Required fields are marked *

error: Content is protected !!