Euro 2020: Bastian Schweinsteiger’an khawvel centre back tha a tih pahnih a sawi

Bayern Munich star hlui Bastian Schweinsteiger chuan defender tha a tih pahnih hming a sawi a, Italian defender pahnih Leonardo Bonucci leh Giorgio Chiellini chu Euro 2020 tournament-ah an chet that em avangin khawvel centre bakc tha ber pahnih an nih thu a sawi.

Italy in Euro 2020 semi final an thlen theihnaah hian Juventus defender pahnih Bonucci leh Chiellini an thawk hlawh hle, Spain an hmachhawn hunah pawh an chet that leh viau a rinawm.

Bastian Schweinsteiger chuan Euro 2020 quarter final a Italy in Belgium an hneh hnu khan Twitter kaltalngin Chiellini leh Bonucci a fak.

Italy manager Roberto Mancini pawhin Bonuccia leh Chiellini hi khawvel centre back tha ber anni tiin alo sawi tawh a. Mancini chuan Euro 2020-ah hemi te pahnih hi Italy tan an hlu hle tiin a sawi.

“Khawvel centre back partnership tha ber anni, kum tamtak chhung chu kan hre tawh. An chakna chu game tinah an pholang a ni.” tiin Italy coach Roberto Mancini chuan a sawi.

Leonardo Bonucci hi Euro 2020 game khelhah ala khel chhuak vek a, hetih lai hian Giorgio Chiellini erawh hliam te nau a neih avangin game 2 a miss tawh a ni.

Italy hian Euro 2020 a goal khung hnem ber team Spain an hmachhawn dawn a, hnehna an chang thei mai ang em?

SOurce Sportskeeda

Related Posts

Leave a Reply

Your email address will not be published. Required fields are marked *

error: Content is protected !!