‘England in min hlau lo’ – Ukraine Boss Andriy Shevchenko

Ukraine boss Andriy Shevchenko chuan Euro 2020 quarter final a England an hmachhawn tur chu nuam a ti a, a hlim thu a sawi, hetihlai hian Gareth Southgate team tean an zuam thu leh an hlauh loh thu a sawi bawk.

Kan hriat angin Last 16 ah England in Germany an hneh a, Ukraine in Sweden an hneh ve bawk. England leh Ukraine hi Inrinni khian Rome khawpuiah an inhmachhawn dawn a ni.

The Three Lions leh The Blues and Yellow te hi Stadio Olimpico-ah an inhmachhawn dawn a, Ukraine manager leh Chelsea player hlui ni bawk Shevchenko chuan a player te chu record thar siam theihna chance an neih thu a hrilh.

AC Milan legend Shevchenko hian Southgate leh England team te chu a fak a, press conference-ah ti hian a sawi, “England hi team ropui tak anni a, bench lamah pawh player tha tak tak an kawl fur mai, an coaching staff te pawh an tha a, he game hi eng tiang chiahin nge a harsat dawn tih chu kan hria.” tiin a sawi.

“Vawiina Germany an hnehna match tih loh Group match vawi 3 an khelh zawng zawng kha ka en vek, a chhan chu Sweden kan hmachhawn dawn avangin kan inbuatsaih ve a ni.”

“Anmahni lakah goal khung chu thil harsa tak mai a ni a, mahse, an chakna avangin min hlau lo.”

“Hei hian phurna nasa tak min pe thei a, a chhan chu football-ah hi chuan thil engpawh thleng thut thei vek a ni, kan thinlung zawng zawngin kan khel anga, kan fans te hlimna nasa tak pek kan tum ang.”

Ukraine in Sweden an hmachhawn tum khan Manchester City star Oleksandr Zinchenko a che tha hle a, goal khat a khung mai bakah assist a vawi khat a nei bawk.

Zinchenko chuan Man City lama a teamme Raheem Sterling chungchang ti hian a sawi, “Sterling hi khawvel winger tha ber pakhat a ni, England tan engkim mai hi a siam danglam a. Kan theihna zawng zawngin amah hi kan dan a ngai dawn a ni. Mahse a harsa viau ang, a chhan chu a roll diktakah a awm” tiin a sawi.

Source SB

Related Posts

Leave a Reply

Your email address will not be published. Required fields are marked *

error: Content is protected !!