England in Czech Republic an hmachhawn hunah Harry Kane hi drop rawh se – Jamie Carragher

Jamie Carragher chuan Euro 2020 England group game hnuhnung ber tura Czech Republic an hmachhawn turah hian Harry Kane drop sela, Dominic Calvert Lewin chu luh tir se tih a duh niin a sawi.

Harry Kane’an England tan match 2 a khel tawh a, mahse, a chet danah fan te leh pundit thenkhat ten an sel deuh. Croatia an hmachhawn tum khan Raheem Sterling chuan goal khung theihna rem chang tak nei mahse, Haryy Kane hian a siam sak lo a ni. Hei vang hian seltu an awm niin report in a tarlang.

A bik takin Scotland an hmachhawn tumah pawh khan Premiere League top scorer hian amah chauh a inngaihtuah niin a lang, a chet dan hi a ropui vak lo niin Sportbible chuan a tarlang.

Tun dinhmunah England hi an group bikah last 16 spot ah an awm mek a, mi tamtak chuan Southgate hian an game khelh leh turah Kane hi a khelh tir leh ngei se tih an duh. Mahse, Carragher chuan Harry Kane aiin Everton forward Dominic Kalvert Lewin chu luhtir tawh se tih a duh ve thung.

“Kane hian goal khung ta se, mitamtakin amah sawiseltu te a chhang let tiin an sawi ngei ang.” tiin England defender hlui Jamie Carragher chuan Telegraph column ah a ziak.

“Football-ah hi chuan sawi tur tamtak a awm striker chetdan sawi mawi dawn chuan goal an khung hian sawi a ni thin.”

Carragher hian Manchester City lak tum Harry Kane aiah Calvert Lewin chu start turin a duh zawk.

Everton striker hian season liamtaah khan league goal 16 lai a khung a, Liverpool denfender hlui Carragher hian Dominic Calvert Lewin hi Raheem Sterling leh Jack Grealish kianga a khelh ve lai hmuh hi a duh hle a ni. Mason Mount pawh hi number 10 role-a khel turin a duh ve bawk. Mahse, Billy Gilmour-a a positive hnuah Mount hi khunghran ve a ni, an inhnimhnaih avangin.

Hetihlai hian mi tamtakin Jadon Sancho chu khelh tir ngei se tih an duh ve bawk. Mahse, Carragher erawh chuan a pawmpui lo.

“Jadon Sancho a start theihna tur chhan ka. Tu aiin nge a start tak ang? Grealish hi mi tamtak in an mamawh, Sterling’an England tan thil tamtak a tih tawh hnuah, engtin nge Southgate hian a drop tehlul ang.” tiin a sawi.

“Mi tamtakin Southgate hun chhunga player tha ber pakhat a nih thu an sawi. Sancho hi club lama a chet that ang ngawtin ram tan a che tha lo, Sterling thlak chu thil awlsam a ni lo.” tiin Jadon Sancho chungchang a sawi.

The Syk Sports pundit Carragher chuan Jordan Henderson leh Harry Maguire hian tun tournament bikah an game hmasa ber khel se tih a duh.

Henderson partner tan Declan Rice ni se, Maquire kawppui atan John Stones, side lamah Luke Shaw leh Kyle Walker an awm bawk.

England hian player thlan tur an nei nual a, Euro 2020 group match hnuhnung berah hian tunge start ta ang le.

Source SB

Related Posts

Leave a Reply

Your email address will not be published. Required fields are marked *

error: Content is protected !!