England in Croatia an hneh, kum 17 a upa in history thar a siam

England leh Croatia khelhah Raheem Sterling chuan goal khat khungin England in point 3 hlu tak an hlawhchhuak. Hetihlai hian kum 17 a upa Jude Bellingham chuan European Championship-ah history thar a siam.

Three Lions manager Gareth Southgate chuan a player te atangin England tana game hmasa ber khel tur player 5 lai a luh tir a, chungte chu Phil Foden, Declan Rice, Tyrone Mings, Kalvin Phillips leh Mason Mount te anni. Croatia lam pawh experience nei tha tak Luka Modric’an a ho a ni.

England lam hian minute 6 na velah Foden hmangin goal an khung teuh hle a, mahse, duh angin goal-ah a khung thei lo. Minute 6 hnuah Philipps pawhin goal a khung teuh leh hle, box bawn atanga a shot chu Croatia goalkeeper Dominik Livakovic’an a lo dang ber a ni.

Raheem Sterling chuan minute 57 vel naah goal a khung a, hemi hma hi chu Croatia lam pawh defensive deuhin an khel a ni. Croatia manager Zlatko Dalic chuan minute 20 vel khelh tur la awmah player pahnih a thlak, Nikola Vlasic chuan defensiv midfield Marcelo Brozovic a thlak a, Attacking lamah Josip Brekalo chuan Andrej Kramaric a thlak ve bawk.

Southgate pawhin Croatia inthlak lai vel hian Marcus Rashford luh tirin Phil Foden a chhuah tir. Jude Bellingham pawhin Harry Kane thlakin, European Championship (Euro) history-a player khel thei naupang ber record a siam a ni.

England hian an khelh leh turah Scotland an hmachhawn ang.

Related Posts

Leave a Reply

Your email address will not be published. Required fields are marked *

error: Content is protected !!