England Boss Southgate’an Jadon Sancho a khelh tir loh avangin sawiseltu an tam hle

Kan hriat angin England hian squad an nei tha hle a, rawlthar player tha tamtak an awm nuk mai. 2020 Euro khelh mekah England coach Gareth Southgate chuan Jadon Sancho chu minute khat pawh a la khelh tir lo a ni.

Borussia Dortmund star Jadon Sancho hian season khelh zawh takah khan goal 16 khungin assist vawi 20 lai a nei tling. Mahse, 2020 Euro khelh mekah England tan minute khat pawh a la khel rih lo.

Scotland an hmachhawn tumah khan England lamin hnehna chan an mamawh hle a, mahse, Jadon Sancho erawh bench-ah a thu, hei vang hian English coach Southgate chuan sawiseltu a nei nual.

Jadon Sancho has not played a single minute so far for England at the European Championship

Enland manager chuan an game khelh leh turah kum 21 a upa Jadon Sancho hi a khel ve tawh maithei niin a sawi.

Reporter te a hrilh dan chuan, ‘Player tha tak tak duhthlan tur kan nei tam hle, a tam zawk te hi player naupang zawk niin, tournament lian-ah an vawikhat experience neihna a ni bawk avangin, coaching staffer te chuan kan duh ang ang kan khelh tir ta zawk a ni.’ tiin Southgate chuan a sawi.

‘Jason Sancho chet dan hi a chawhpawlh (mix) rih. Nitlemte vel kha chu a trained tha hle, khelh tir turin duthlanna kan nei, kan siam thei bawk.’ tiin a sawi.

Kum 21 a upa Jadon Sancho chuan Borussia Dortmund chu UEFA Champions League qualification-ah a tlin pui a, DFB-Pokal a chawi pui bawk.

Sancho's exclusion has surprised many in Germany after his form for Borussia Dortmund

Sancho hi England tan vawi 18 a khel tawh a, mahse, Croatia an hmachhawn tumah phei chuan bench-ah pawh a tello a ni. Scotland nen goal khung lova an indraw tum pawh khan a khel leh lo.

Scotland nen an khelh hnu phei kha chuan Ian Wrigth, Rio Ferdinand, Wayne Rooney leh Micah Richards te chun Southgate hian Sancho hi khelh tir tawh rawhse tiin an ngen a ni.

Southgate was criticised by several pundits for not bringing Sancho on against Scotland

England game khelh leh turah hian khelh tir tak ang maw? England hi Croatia, Czech Republic, Scotland te nen group khatah an awm a, Czech Republic nen point 4 ve ve hmu tawhin Czech lam hian hma an hruai mek.

Round of 16 luh theihna chance an la nei vek a, an game hnuhnung berah England in Czech Republic an hmachhawn anga, Croatia in Scotland an hmachhawn bawk ang.

Source SL

Related Posts

Leave a Reply

Your email address will not be published. Required fields are marked *

error: Content is protected !!