Eng vangin nge Barcelona in an jersey number 10 an retire ti loh?

Mi tamtakin Barcelona in Lionel Messi jersey number 10 chu hmang tawh lo turin an duh a, mahse, official takin African born teenager Ansu Fati hnenah hlan a ni. Barcelona in an jersey number 10 an retire tir loh chhan kan rawn tarlang ve leh dawn a ni.

Lionel Messi’an Catalan club lian a chhuahsan ni khan, mi tamtakin Lionel Messi jersey number 10 chu tuman ha tawh lo se, retire tir rawhse tiin an sawi.

He Number 10 ha chung hian Lionel Messi’an Barcelona tan goal 100 ai tam daih a khung tawh a, hei mai bakah trophy tamtak a chawi pui bawk. Footballer chawimawina sang ber anga an sawi thin Ballon d’Or vawi 6 lai dawngin, dawng hnem ber a ni nghe nghe.

Spain-a report hrang hrangin an tarlan dan chuan FC Barcelona jersey number 10 hi Philippe Coutinho leh Sergio Aguero’an hak theihna chance nei mahse, an ha duh lo niin an tarlang a, a chhan nia lang chu fans ten retire tir tura an duh vang niin a sawi.

Amaherawhchu, FC Barcelona lam hian an jersey number 10 retire tir erawh La Liga rules avangin an theilo a ni. La Liga rules-ah hian team tin ten senior squad-ah number 1atanga 25 thleng an awm kim tir tur a ni tih a awm.

Image

Mahse, heti chung hian an jersey number 25 erawh ha tur awm lovin ala awl tho a ni. Lionel Messi hak thin jersey number 10 erawh kum 18 a upa Ansu Fati hnenah hlan a ni.

Image

Source SL

Related Posts

Leave a Reply

Your email address will not be published. Required fields are marked *

error: Content is protected !!