Drogba – Salah hian ka record neih zawng zawng a ti chhe vek dawn, tah mai ka duh

Chelsea leh Ivory Coast star hlui Didier Drogba record neih Mohamed Salah’an a break hnuah fiamthuin tah mai a duh thu a sawi.

Tun hnai lawk khan Egyptian Mohamed Salah chuan Didier Drogba record neih African player atang Premiere League history a goal khung tam ber chu a khum a, tunah hian match 170 a inlan tawh atangin goal 108 lai a khung tling mek. Goal khung belh theihna hun ala ngah hle.

Drogba chuan Salah chu a fak a engtiklai pawhin quality nei tha tak a nih thu a sawi, mahse, Chelsea-ah minute khelhna hun a neilo kha chu a vanduai hle a ni tiin a sawi bawk.

“Tun anga a chet that chhunzawm zel chuan, ka record neih zawng zawng a ti chhe zo vek mai dawn a lawm le, tah mai ka duh.” tiin Didier Drogba chuan Mehwar TV a hrilh niin Kingfut in an tarlang.

“Training naa kan hmuh dan chuan, a teammate zawng zawng ten quality a awm a ni tih hi an hrilh ang che. Talent a neih thatna te, qualtity a neih thatna te pholang tur khan pitch ah hun tam zawk hman a mamawh a ni.”

“Chelsea tan engmah a ti ve lo kha a lungawi lo hle ang, mahse, englai pawhin a tha a ni. Hetiang ang player fing tak an awm chuan langsar turin hun hi a pawimawh ber”

“Roma tana a khel lai khan goal a khung hian kan inbe ve zeuh zeuh tih ka hria. Goal a khung loh te hian engtianga khung tur nge tih te min zawt ve thin a ni.”

“Ani nen hi chuan kan inpawh a, experience kan neih ang ang te kan inshare tawn thin” tiin Drogba chuan Mo Salah nena an chungchang a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!