Diogo Jota chungah C Ronaldo a lawm lo? VIDEO

Euro 2016 lai ang khan Cristiano Ronaldo leh a teammate te hi an tha tawk tawhlo pawh a ni maithei, first half chawlhah C Ronaldo a hlim lo hle niin a lang.

Diogo Jota’an goal khung theihna chance tha tak mai a hlauh a, hetihlai hian C Ronaldo erawh goal khung theihna tur position ah a awm niin a in ngai.

First half break video a lan dan chuan kum 36 a upa Cristiano Ronaldo hi Liverpool star chungah a lungawilo tih chu a chiang reng.

Juventus forward thinrim chhan ber nia lang chu Jota’an ball a pass loh vang niin an sawi.

Video hi social media lamah supporters ten an comment a, Cristiano Ronaldo chet dan chungchangah sawiseltu pawh an awm nuk mai.

Pakhat chuan ti hian a tweet, “Player mak dangdai tak a ni a career ropui tak nei a ni bawk. Mahse, captain leh leader nih dan a thiam lo tlat. A lan danah chuan a duh ang a hmuh loh hian a pangchang zawngin a luhlul tlat thin. Amah chu bia se, zirtir bawk se, endawng/hmusit mai lovin a experience neih te hrilh zawk se a tha tur, hei hian legend dik tak a nih tir thei zawk ang” tiin.

Cristiano Ronaldo sawiseltu dang pawh an awm nuk a, mahse, amah tantu pawh an bang chuang lo.

Pakhat chuan, “Jota hi tlemin a selfish ve deuh, Ronaldo hi ka dem hran lo.” tiin a ziak.

Pakhat dangin, “Match hi Jota tan chauh a ni lova, team sport a ni. Jota khan a pass ngei ngei a ngai. A chhuah hnuah goal 3 an khung a nih kha.” tiin a sawi ve bawk.

Hungary leh Portugal khelhah khan, Raphael Guerreiro chuan minute 84 naah goal a khung a, a hnuah Cristiano Ronaldo hian penalty hmangin goal a khung a, European Championship history a goal khung hnem ber record thar a siam a ni. Huntawp dawn tepah goal khat dang a khung bawk.

Inrinni khian Germany an hmachhawn leh ang.

Video en tur aw

Source SL

Related Posts

Leave a Reply

Your email address will not be published. Required fields are marked *

error: Content is protected !!