Di Maria’an a teammate ni tawh atanga tha a tih 5 hming a sawi, C Ronaldo erawh a tello

Angel Di Maria chuan a career-a a khelh pui tawhte atang footballers tha a tih 5 hming a sawi a, Manchester United superstar thar C Ronaldo erawh a telh lova, a telh loh chhan a sawi bawk.

Tun hnai lawk khan TyC Sports in Paris Saint-Germain winger Angel di Maria hnenah a khelh pui tawh footballers tha 5 hming zawhna annei a. A khelh pui tawh zawng zawng atanga tha a tih 5 hming a sawi.

Angel Di Maria hi Benfica, Real Madrid, Manchester United leh Paris Saint-Germain tan a khel thin tawh a, ke vei lam hmang thiam tak a ni. A career-ah hian player tha tak tak te alo khelh pui nual tawh thin.

Di Maria hian tuna PSG lama a khelh pui Marco Veratti chu sawi telin, Italian central midfielder chet dan chu tha a ti hle.

A list ah hian Paris Saint-Germain lama a teammate hlui Zlatan Ibrahimovic pawh telin, thil danglam tak a ti thei niin a sawi a, a sanna chu a hmang tangkai thei hle niin a sawi bawk.

Di Maria hian Neymar leh Cristiano Ronaldo hming a sawi tel lova, Ronaldo a telh loh chhanah hian hmun awl a mamawh niin a sawi.

2021 Copa America winner leh PSG lama a teammate thar Lionel Messi chu number 1 spot ah a dah a ni. A hnuaiah hian player 5 a thlan te kan rawn dah ve leh e.

5. Toni Kroos (Real Madrid)

4. Luka Modric (Real Madrid)

3. Zlatan Ibrahimovic (Paris Saint-Germain)

2. Marco Verratti (Paris Saint-Germain)

Lionel Messi (Argentina, Paris Saint-Germain)

Source sl

Related Posts

Leave a Reply

Your email address will not be published. Required fields are marked *

error: Content is protected !!