De Bruyne’an Chelsea a chhuahsan kha ka duh lo – Jose Mourinho

Chelsea manager hlui Jose Mourinho chuan kum 2014 khan Kevin De Bruyne’an London club Chelsea a chhuahsan tur chu a duh lo niin a sawi, he thu a sawi chhan chu attacking midfielder chungah rinna a neilo niin social media lamah an sawi vang a ni.

Kum 2012 khan Belgian star Kevin De Bruyne chuan KRC Genk atangin Chelsea hi a zawm a, mahse, Stamford Bridge-ah khan Portuguese coach Jose Mourinho hnuaiah match 9 chiah a inlan thei a ni.

Kum 2013 khan De Bruyne chu Werser Bremen lamah loan in a khel a, hemi hnu lawkah hian a nghetin Wolfburg lam chuan an la lut a, heta atang hian a ni khawvel player tha ber pakhat a rawn nih chhoh.

Jose Mourinho’an rawlthar player chungah khan rinna nei ngam lo mahse, Belgium playmaker Kevin de Bruyne chu kha tih lai khan Stamford Bridge-ah awm rih se tih a duh niin a sawi.

“A chet dan vel chuan ka rilru a khawi hle, decision ka siam a, he naupang hi loan-a a chhuah chu ka duh lo, la awm rih turin ka duh a, Premiere League season-a kan game hmasa berah Hull City kan hmachhawn a, tah pawh chuan ka start tir nghe nghe.” tiin Jose Mourinho chuan talkSPORT a hrilh.

“Match 2 na khel turin Olf Traford-ah kan kal a, hemi hnu hian ka hnenah lo kalin, ‘Match zawng zawng hi ka khelh duh, minute zawng zawng hi ka khel chhuak vek duh’. tiin min hrilh a, pressure tamtak a siam a ni.”

“Chhuah a duh, Germany lama kal chu a duh, a hmain loan in alo khelh tawh avangin a hlim a, a duhthlanna kha kal chhuah a ni. Pressure lian tak a insiam a, a tan a tha hle.”

“Thawnthu a awm a, quality a neih te chu tha tak a ni, khawvel player tha top 5 ah a awm.” tiin Jose Mourinho chuan a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!