David Beckham’an Ole Gunnar hnenah Emotional message a thawn

Kan hriat angin Manchester United manager Ole Gunnar chu ban a ni a, kum 3 chhung teh meuh mai Red Devils hi alo enkawl hman ve a ni.

Manchester United manager atanga Ole Gunnar Solskjaer a ban hnu lawkah David Beckham chuan Ole chu zah ngai thei tak leh khawngaihnaa khat a nih thu a sawi.

Ole hian United manager anga a game hnuhnung berah Watford a hmachhawn a, 4-1 lai maiin United chu a tlawm pui a ni.

Ole hian tunhnai velah United hi duh angin a chet that pui lova, points 18 hlawhchhuah theihna turah point 4 chauh a hlawh chhuah pui thei a ni.

Watford hi relegation zone hnaih tak anni a, chak ngei ngei tumin an bei, an hlawhtling thawkhat viau mai.

Inrinni zanah khan Man United board lamin emergency meeting annei a, kum 3 chhung an lo rawih tawh Ole Gunnar bantir chu an thutlukna a ni.

Manchester United board lam pawhin statement te siamin an striker chungah lawmthu an sawi ve bawk.

Solskjaer team mate hlui David Beckham pawh social media lama news a hmuh rualin a thianpa hi a hnem ve nghal.

“Dressing room lama zah ngai thei tak leh khawngaihnaa khat a ni.” tiin David Beckham chuan Instagram-ah a post.

Beckham chauh hi Ole hnemtu a ni lova, Gary Neville pawhin a rawn hnem ve bawk.

“Ole ka lawm e, nangmah avangin kan inchhuang hlawm hle” tiin Neville chuan Twitter ah a tweeet. “Thla hnih liamta vel atang khan a harsa hle, mahse, he club ah hian i thinlung tak tak i rawn dah let leh a ni.” tiin a tweet bawk.

Neville chuan sawi belh zelin, “Englai pawha ka sawi chu manager te hian kum 2 emaw kum 3 hi an phu tawk tih hi a ni. Kum 3 ai tam club enkawl hi chu an tam vak lo.”

“Ole pawhin a complaint thei lovang, kum 3 chhung teh meuh mai hun an pe a, transfer market-ah a kir leh tihna a ni mai.” tiin a sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!