Cristiano Ronaldo’an Record ropui a siam teuh tawh hle

Cristiano Ronaldo hian international stage-ah Portugal tan goal khung lamah a duailo hle. Tunah hian record dinglai a khum teuh tawh hle a, a khum thei a nih ngat chan a record neih zingah a ropui ber mai awm e.

Euro 2020 match Hungary nena an khelh tum khan kum 36 a upa Cristiano Ronaldo hian goal 2 a khung a. European Championship history-ah Euro vawi 5 (season 5) khel thei awm hmasa ber a ni a, hei mai bakah European history-a goal khung hnem ber a ni mek.

Germany an hmachhan tum pawh khan goal khat dang a khum leh a, mahse, Germany lamin 4-2 in hnehna an chang. Tunah hian European goal 12 a khung tawh a, a ram Portugal tan goal 107 lai a khung mek bawk.

Portugal hian group match khelh tur vawi khat an la nei a, hetah hian record dinglai khum thei tak ang maw?

Portugal captain hian ram tana goal khung hnem ber Ali Daei chuan goal 109 a khung tawh a, Ali Daei record neih khum nan Ronaldo hian goal 3 chiah a hmambak tawh. Ali Daei hian a ram Iran tan goal 109 lai a khung a, ram tana goal khung tam ber a ni mek.

A hnuaiah hian Ram tana goal khung hnem zual top 10 te kan rawn tarlang ve leh e.

10. Kunishige Kamamoto (Japan) – 76 goals

9. Sandor Kocsis (Hungary) – 76 goals

8. Ali Mabkhout (United Arab Emirates) – 76 goals

7. Pele (Brazil) – 77 goals

6. Hussein Saeed (Iraq) – 78 goals

5. Godfrey Chitalu (Zambia) – 79 goals

4. Ferenc Puskas (Hungary & Spain) – 84 goals

3. Mokhtar Dahari (Malaysia) – 89 goals

2. Cristiano Ronaldo (Portugal) – 107 goals

1. Ali Daei (Iran) – 109 goals

Source Sl

Related Posts

Leave a Reply

Your email address will not be published. Required fields are marked *

error: Content is protected !!