Cristiano Ronaldo’an PSG a nghak?

Juventus superstar Cristiano Ronaldo chuan Paris Saint-Germain atang offer a nghak mek niin report in a tarlang. PSG ah hian a lut thei a nih chuan Real Madrid lama a teammate patgum te nen an inhmu khawm leh dawn tihna a ni, Sergio Ramos pawh a tel.

Tunah hian Kum 36 a upa C Ronaldo hi chawlh hmangin a awm mek a, Juventus in an coach atan Massimiliano Allegri an lak luh hnuah C Ronaldo hmalam hun pawh a chiang tawh bik lo.

Juventus lam chuan official in C Ronaldo chu ala awm rih tur thu an sawi chhuak a, mahse, C Ronaldo’an tun summer ah club chhuahsan a duh chuan an ngaihtuah that tur thu an sawi tel bawk.

Tuttojuve in a tarlan dan chuan, Los Blancos player hlui leh a team ten Juventus chhuahsan an duh thu engmah an sawilo a, mahse Paris Saint-Germain lam an ngaichang deuh niin am tarlang

French club lian lamin kar lo awm turah C Ronaldo hi an duh chuan. C Ronaldo chu Old Lady atanga chhuak turin a inpeih reng niin an sawi bawk. Hetiang deuh hian a agent Jorge Mendes chuan club a hrilh a ni.

Paris Saint-Germain hian tun summer transfer window ah player tha an la lut nual tawh a, chun zinga langsar chu Georginia Wijnaldum, Sergio Ramos leh Achraf Hakimi te hi anni. Italian goalkeeper Gianluigi Donnarruma pawhin Ligue 1 club lian Paris Saint-Germain a zawm hnai niin an sawi.

Paris Sain-Germain lamah C Ronaldo hi a lut thei a nih chuan, Real Madrid lama a teammate hlui Achraf Hakimi, Sergio Ramos leh Keylor Navas te nan intawk khawm leh dawn a ni.

Paris Saint Germain lam pawhin Man Utd player hlui C Ronaldo hi an plan-ah a tel thu an sawi.

Source SL

Related Posts

Leave a Reply

Your email address will not be published. Required fields are marked *

error: Content is protected !!