Cristiano Ronaldo’an Juventus lama a teammate hlui chu Man Utd in la lut se tih a duh

Tun hnaia report thenkhat tarlan dan chuan Cristiano Ronaldo hian Juventus lama a teammate hlui Federico Chiesa chu Manchester United lamah lut ngei se tih a duh niin an tarlang.

FC Internazionale v Juventus - Coppa Italia

Italian international Chiesa hi Florentina atang Juventus-ah loan in a khel a, season khat a hmanna atangin a che tha nghal hle, goal 15 a khung mai bakah assist vawi 11 a nei tling nghal a ni.

Chiesa hi Cristiano Ronaldo nen khan hun an hmang dun tam a, tunah chuan C Ronaldo hian kum 23 a upa hi Old Trafford lama lut ve turin a duh niin an sawi.

Chiesa agent Ivan Reggiani chuan English club thenkhatten Juventus winger hi an ngaihven niin a sawi.

Kan hriat angin Chiesa hi Serie A player tha ber pakhat a ni a, Italy in Euro 2020 nomawi an chawi theihnaah pawh player pawimawh tak pakhat a ni. Semi finals a Spain an hneh tum pawh khan goal a khung nghe nghe.

Italy v England - UEFA Euro 2020: Final

Tun hnai lawkah pawh khan Champions League group stage-a Chelsea an hmachhawn tumin goal a khung a nih kha.

Europe club tha thenkhatte pawhin an duh a, Chelsea leh Liverpool pawh an langsar hle, mahse, Juventus lamah hian contract thar a sign duh chuan sign thei dinhmunah a ding reng a ni.

Manchester United in Old Trafford lamah Chiesa lak luh an duh tak tak chuan £85 million vel chu an sen ve ngei a ngai ang.

Manchester United lam hian Crisitano Ronaldo ngenna hi an tih hlawhtlin sak thei ang em?

Red Devils hin Villarreal hneh mahse, duh angin season bul an tan tha lem lo.

Manchester United v Villarreal CF: Group F - UEFA Champions League

Aston Villa lakah an tlawm a, Young Boys leh Everton an draw pui bawk. Tunah an tum leh tur te hi awlsam taka hneh theih anni dawn lo tih a chiang. Premiere Leauge lama an fixture chu Leicester City, Liverpool, Tottenham Hotspur leh Manchester City te hi a ni nghal pang. International break an hman zawha an tum tur te anni.

Manchester United v Aston Villa - Premier League

Mahse, Cristiano Ronaldo hian Manchester United tana trophy chawi chu a duh hle a rinawm. Hetiang thleng thei tur chuan Italy winger Chiesa chu Old Trafford lamah lut ngei se tih a duh a ni. C Ronaldo ngenna leh duhna hi an tih hlawhtlin sak thei mai ang em?

Source SL

Related Posts

Leave a Reply

Your email address will not be published. Required fields are marked *

error: Content is protected !!