Cristiano Ronaldo’an a teammate te hnenah a zawm duh club hming a hrilh

Kan hriat angin Cristiano Ronaldo chu Manchester City leh Paris Saint-Germain nen sawi zawm ani a, a teammate te hnenah a club zawm duh a sawi niin report in an tarlang.

C Ronaldo hi Juventus atang a chhuak dawn niin sawi a tam hle a, Italy lama report hrang hrang tena an tarlan dan chuan chhuah theih hram hram a tum niin an tarlang.

Fabrizio Romano sawi dan chuan Juventus in serie A game hmasa bera Udinese an hmachhawn tum khan, kum 36 a upa C Ronaldo chuan bench a thut a dil niin a sawi. Hei hi a chhan nia lang chu a teammate te chet dan thlir a duh vang niin a sawi bawk.

Nilaini khan C Ronaldo chuan training zawm mahse, a banah hliam a neih vangin hma takah a haw a, hei hi Harry Kane’an Tottenham-ah tun season chhung a awm tur thu a puan hma darkar khat vela thil thleng a ni.

C Ronaldo transfer chungchanga news hnuhnung berah chuan Manchester City zawm tur anga sawi a ni, a super agent Jorge Mendes pawhin offer a hmuh thu a sawi tel bawk.

This image has an empty alt attribute; its file name is default.jpg

Thuthang hrang hrang karah Premiere League champions Manchester City chuan Manchester United player hlui C Ronaldo chu kum 2 daih tur contract an zawrh niin an sawi a, C Ronaldo chuan a teammate te hnenah Pep Guardiola enkawl Man City zawm a duh thu a hrilh niin an sawi.

Sky Sports Italia tarlan dan chuan C Ronaldo hian a hmalam hun tur chungchangah Man City player hrang hrang te pawh a be kual ve bawk niin an tarlang.

Source SL

Related Posts

Leave a Reply

Your email address will not be published. Required fields are marked *

error: Content is protected !!