Cristiano Ronaldo transfer update

Juventus lamah Portugal superstar Cristiano Ronaldo hmalam hun a chiang tawh lova, report thenkhat tarlan dan phei chuan Premiere League lamah kir leh tur anga sawi a ni. C Ronaldo transfer chungchangah update hnuhnung ber kan rawn tarlang ve leh dawn ni.

Italian publication Gazzetta dello Sport tarlan dan chuan, Premiere League club Manchester United chuan an player hlui C Ronaldo hi tun summer transfer window-ah hian Old Trafford lamah lak kir leh an duh hle niin a tarlang.

Red Devils lam hian a hlawh tur pawh offer an inpeih tawh a, kum khatah €19.7 million hlawh tir an tum dawn niin an sawi. Serie A club lian Juventus-ah hian kum khatah €31 million lai a hlawh pha a ni.

An sawi zel danah Juventus hi sum lamah harsatna an tawh avangin an superstar C Ronaldo hi hralhchhuah mai pawh pawi an ti tawhlo niin an sawi. Kan hriat angin Covid 19 hrileng avangin club hrang hrang ten sum lamah harsatna an tawh mai bakah, an sum dinhmun a tla hniam nasa hle a ni.

Mahse, Manchester United hian awlsam taka an lak theih a rinawm lo, Ronaldo hian a club hlui Man United aiin Paris Saint-Germain lama luh chu a duh zawk niin an sawi.

PSG lamin an superstar Kylian Mbappe an chhuahtir chuan C Ronaldo tan kawng a inhawng dawn a ni.

Hetihlai hian C Ronaldo’an Italy lamah contract a la nei a, Manchester United lam hian an la lut thei mai lovang maw?

Source SL

READ MORE (Paul Pogba leh C Ronaldo inthleng dawn?)

Italy-a report tarlan dan chuan tun summer transfer lo awm turah hian Cristiano Ronaldo hi Manchester United lamah a kir leh dawn niin an sawi a, hetah hian swap deal a awm thu an tarlang bawk. Paul Pogba hi Juventus lama kir leh tur anga sawi a ni. C Ronaldo leh Paul Pogba hi an inthleng dawn niin an tarlang bawk.

Superstar C Ronaldo hmalam hun hi Turin-ah a chiang tawh lova, season khelh zawh takah khan Champions league spot-ah awmin, trophies pahnih chawi mahse, Juventus lam chuan player dang thleng pui atan an duh thu an sawi.

La Gazzetta dello Sport tarlan dan chuan, players pahnih te hi an club hlui lamah an kir leh thut thei niin an tarlang. Heti a nih chuan Ronaldo hian a hlawh (demand) hi a tih hniam a ngai anga, Juventus lam pawhin United hnenah pawisa an dil thut thei bawk.

Cristiano Ronaldo and Paul Pogba could be included in a star-studded swap deal this summer

Hriat angin Juventus in a manager Andrea Pirlo an ban hnuah an manager hlui Massimiliano Allegri an la lut leh a, Allegri hian C Ronaldo hi a chhuah tir dawn nge dawn lo tih a la chiang lo.

C Ronaldo la lut thei tur zingah Man Utd leh Paris Saint-Germain hi an langsar hle. PSG lam hian Kylian Mbappe thlaktu turah an duh niin an sawi.

PSG are said to have identified Ronaldo as the perfect replacement for Kylian Mbappe (above)

Hetihlai hian Juventus lamin an midfielder hlui Paul Pogba lak let an duh a, mahse, Man United lamin remchang dang zawn ve reng an tum niin a lang.

Pogba's Manchester United future is uncertain and a return to Juventus could be on the cards

C Ronaldo hian Italy-ah hian kar khatah £500,000 lai mai a hlawh a, Old Trafford lamah a lut duh tak tak a nih chuan hlawh tlem pawh a inhuam tur a ni tiin Italy report in a tarlang.

Man United leh Ronaldo hi hlawh chungchangah an inrem theilo a nih chuan PSG hi rinkai ber pakhat an ni mek.

C Ronaldo hi eng club berin nge la lut ta ang le. Tun dinhmunah rih chuan Manchester United leh Paris Saint-Germain hi a langsar ber an ni mek.

Source Mail Online

Related Posts

Leave a Reply

Your email address will not be published. Required fields are marked *

error: Content is protected !!