Cristiano Ronaldo in a, lunch ei chu a boring hle – Evra

Manchester United left back hlui Patrice Evra chuan Cristiano Ronaldo in (house) a lunch ei chungchang sawiin, a boring thu a sawi tel bawk.

France international hlui Patrice Evra leh Portugal captain C Ronaldo hi Red Devils-ah khan kum 2006 leh 2009 inkar chhung khan an khel dun a, anni pahnih hi kawng tamtakah an inpawh a, field pawn lamah pawh an inkawmngeih ang reng.

C Ronaldo hi a in diet em em a, tuna a hlawhtlin chhan pakhat leh professional a nih hnu hian a hriselna a ngai pawimawh thei hle, hei vang hian kum tamtak chhung chu a chungnung berah a awm thin.

Tun hnai lawk khan Evra chuan United forward C Ronaldo te ina Lunch a ei chungchang a sawi a, C Ronaldo chuan kawng dik lamah a hruai thu a sawi, chawhnu lam chaw an ei zawh hnu phei chuan training session an neih nghal theih thu a sawi tel bawk.

“A hmasa berah mimal takin leh a mihring ang zawng pawhin Cristiano hi a thilphal hle, he a thil phalna hmel hi mipuiin an hmu lo. Mahse, hnehtu a ni a, a thil tih engpawh atchilh bur chi a ni.”

“Entirnan, zing dar 10 ah training nei tur ni ta ila, Cristiano Ronaldo erawh zing dar 8 ah alo awm hman der tawh. Training kan neih zawh hnu pawhin, pitch ah a practice chhunzawm thin.”

“Chawchhun ei turin min sawm, mahse, lunch ei turin kal reng reng suh. A chhan chu Cristiano Ronaldo nena lunch in ei dun a nih ngat chuan lunch boring ber in ei dawn tihna a ni mai, salad tlem, plain chicken leh tui a ni leh tawp mai. Tui vawt pawh a awm lo.”

“Lunch kan ei zawh hnu chuan, pangpar huan lamah kan kal a, trained tlem kan nei zuai, swimming lamah kan kal leh a, amah chu en in, unaupa training session chu kan zo tawh e, engvangin nge training session vawi 2 na kan tih leh ringawt ang, tiin ka zawt”

Patrice Evra’an United a pan atang thla khat vel kha chu duh angin a che tha lem lo, mahse, hun a kal chho zel a, left back tha ber pakhat a rawn ni chho, United tan match 379 inlan tlingin, trophies 14 lai a chawi pui a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!