CR7’an UCL Record ding lai 2 a nih rual pui. Mahse, Man Utd erawh an tlawm

Nizanah khan Manchester United chuan UEFA Champions League match ah BSC Young Boys an tlawh a, an player lak luh thar Cristiano Ronaldo chuan record ding lai pahnih a nih rual pui a ni.

UEFA Champions League

Result: Young Boys 2-1 Manchester United

Date: 14 September 2021

Venue: Stadion Wankdorf

Kan hriat angin Premiere League match-a Newcastle an hmachhawn tum khan C Ronaldo pawh khel vein, goal 2 lai a khung nghal a, nizana Young Boys an hmachhawn tum pawh khan start ve lehin, UEFA Champions League history-a inlan tam ber Iker Casillas record neih chu a nih rual pui a ni. Casillas hi match 117 lai maiah a inlan a, C Ronaldo pawh match 117 ah a inlan tling ve tawh a ni.

Nizan inkhelhah khan Red Devils lam chuan minute 13 na velah Fernandes ball cross tha zet mai hmangin C Ronaldo chuan goal-ah chan tir ve leh a.

C Ronaldo’an goal a khung chiah khan Lionel Messi record neih, Champions League team hrang hrang 36 laka goal a khung tawhna chu a rawn nih rual pui ve leh a ni.

Minute 35 na velah Aaron Wan Bisakka chuan Craig Martins lakah a foul avangin red card pek a ni. Young Boys lam an vannei ang reng hle, minute 66 naah rawn nih rual puiin, Hun tawp dawn tepah chakna goal an rawn khung ve leh a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!