Copa America 2021: Messi Record thar siam tawh leh la siam belh theih tur te

Copa America khelh mekah Lionel Messi hi Argentina tana che tha ber player a ni mek, a khelh tawh chinah goal 4 a khung tawh a, assist vawi 5 a nei tling mek.

Copa America 2021 khelh mekah hian FC Barcelona captain Lionel Messi hi a che tha hle a, La Albiceleste in goal 11 a khung tawh atangin goal 9 lai maiah a inhnamhnawih a ni. Goal 4 a khung atanga goal 2 chu free kick atanga a pet goal a ni. International stage ah Argentina tan match 150 lai a khel tling tawh a, Final hi a khelh leh theih chuan a match 151 a khelh tlinna tur a ni ang.

FC Barcelona superstar Lionel Messi hian Copa America 2021 ah record thar thenkhat a siam tawh a, final an khelh zawh hnuah pawh record thar siam belh tur a nei dawn a ni.

A hmasa berah Lionel Messi’an record thar a siam tawhte kan rawn tarlang ve leh e.

Copa America-a Lionel Messi record thar siam te

1 Argentina tana inlan tam ber record

Copa America khelh mekah hian Lionel Messi chuan FC Barcelona leh Argentina lama a teammate hlui Javier Mascherano chu ram tana inlan tam lamah a khum. Mascherano hi Argentina match 147 lai inlanin, Copa America khelh hma kha chuan ram tana inlan hnem ber a ni. Mahse, Lionel Messi chuan a khum vah mai. Tunah hian Argentina tan match 150 ah inlan tawhin Argentina tana inlan hnem ber a ni.

2. Copa America vawi 6 (six edition) a tel thei Argentina player hmasa ber a ni.

Copa America 2021-a a tel ve leh avangin Lionel Messi chu Argentina international atanga Copa America vawi 6 a tel thei player hmasa ber a ni. 2007 atanga 2021 thleng a la khel char char. Barcelona skipper Javier Mascheranao hi Copa America five edition-ah a tel a, hei hi Messi’an a khum.

3 Copa America tournament khat a assist nei tam ber (single tournament)

Copa America 2021 khelh tawh chinah Lionel Messi hian match 6 a khelh tawh atangin assist vawi 5 lai a nei tling tawh a, Copa America history-ah tournament khata assist nei hnem ber ani mek.

COPA AMERICA 2021 FINAL KHELH ZAWH RUALA MESSI RECORD THAR SIAM THEIH TUR

1 Copa America khel tam ber zinga tel

Copa America 2021 final Brazil nen an khelh hunah Messi hi a khel a nih chuan, Copa America a inlan tam Chile Star Sergio Livingstone chu a phak chiah chiah dawn. Livingstone hian Copa America match 34 a khel tling tawh a ni. Copa America 2021 tan hma khan Messi hian match 27 a khel tling a, hei hi Mascherano aiin vawi 1 in a tam.

2 Copa America goal khung tam ber

Copa America 2021 khelh mekah match 6 a khelh tawh atangin goal 4 a khung tawh a, Copa America bikah goal 13 a khung tling tawh. Copa America goal khung hnem ber pahnih Zizinho (Brazil) leh Norberto Mendez (Argentina) umphak nan goal 4 chiah a mamawh tawh, goal 17 ve ve an khung a ni. Final-ah Lionel Messi hian a um pha thei ang em?

Source Goal

Related Posts

Leave a Reply

Your email address will not be published. Required fields are marked *

error: Content is protected !!