Chelsea neitupa Roman Abramovich’an tun summer transfer window-ah Dortmund star lak luh ngei a duh

Chelsea owner Roman Abrhamovic chuan tun summer transfer window-ah Erling Halland chu Chelsea lamah lut se tih a duh a, Norwegian superstar lak luh theihna tur chuan club budget pawh fan mai pawh a pawi tilo niin report in a tarlang.

Image

Erling Haaland hi Borussia Dortmund tan a che tha em em a, mahse, rei a awm hmain club chhuahsan leh thuai tur anga sawi a ni. A man hi to dawn mahse, club hrang hrang te duhrawn ani mek. Kum 2023 summer transfer-ah khian Erling Haaland man hi a tlawm thei deuh dawn a, mahse, a that em avangin kumina la ngam pawh an awm dawn niin a lang.

Tun hnaia UEFA Champions League nomawi chawitu Chelsea chuan summer hmasa zawkah khan an attack lam an thawm tha deuh hlek a, mahse, an player lak luh Timo Werner leh Kai Havertz hi duh angin Stamford Bridge lamah an che tha lem lo.

Chelsea hian European Cup chawi mahse, Premiere League lamah Manchester City leh Manchester United el pha thei turin goal khung thei tak player an mamawh niin a lang.

Chelsea hian goal machine Erling Haaland an la lut thei a nih ngat chuan, Chelsea history-ah player manto ber a ni thei dawn a ni.

Image

Kan hriata ngin Borussia Dortmund chuan Manchester United hnenah Jadon Sancho an zuar chhuak tawh a, Erling Haaland hralhchhuah lam chu an hmanhmawh vak a rinawm lo. Borussia Dortmund lam hian an striker man atan hian £172 million lai an hauh niin report in a tarlang a. Hetiang zata Chelsea in an la lut thei a nih ngat chuan khawvel player man to ber dawttu a ni thei dawn a ni.

Khawvel player manto ber chu Neymar niin, Paris Saint Germain chuan FC Barcelona atangin £200 million lai maiin an la lut a nih kha.

Erling Haaland hian club thar a zawm dawn chuan a hlawh pawh a chhe zawk zawk dawn lova, a agent Mino Raiola chuan Chelsea player hlawh hnem ber nih tir a tum.

Chelsea in tun summer-ah an la lut theilo a nih chuan, nakum summer an nghah theih a rinawm, a chhan chu tuna a hlut ai hian a hlutna a tla hniam dawn a ni.

Chelsea hian an la lut leh mai lovang maw?

Source SK

Related Posts

Leave a Reply

Your email address will not be published. Required fields are marked *

error: Content is protected !!