Chelsea in he player hi an la lut a nih chuan, Premiere League champion tura rinkai ber anni ang – Peter Crouch

England striker Peter Crouch chuan tun summer-ah Chelsea in Borussia Dortmund star Erling Haaland hi an la lut thei a nih chuan season thar Premiere League champion tura rinkai ber an nih a ring.

Erling Haaland hi tunlai football khawvela player tha ber pakhat a ni a. Borussia Dortmund-ah season khat pum hlum a awm hnuah Dortmund tan all competition match 41 a khelh atangin goal 41 lai a khung tling nghal a ni.

Kum 20 a upa Erling Haaland hi thla hmasa atang tawh khan Europe club lian tak tak nena sawi zawm a lo ni tawh a. Report pakhatin a tarlan dan chuan Haaland representatives in Barcelona president Joan Laporta chu tun summer transfer chungchangah a bia niin an tarlang.

Borussia Dortmund star Erling Haaland is one of the biggest prospects in world football right now

Premiere League club lian Chelsea pawh tun hnai lawk khan Borussia Dortmund star duhtu zingah an rawn lang ve leh a, hetihlai hian Blue lam hian goal khung thei tak player an mamawh hle.

Chelsea boss Thomas Tuchel reportedly lacks faith in the likes of Timo Werner, Olivier Giroud and Tammy Abraham

An sawi danah Thomas Tuchel hian Timo Werner, Olivier Giroud leh Tammy Abraham te chungah rinna a nghat tak tak ngam lo niin an sawi a. Season tawp lamah phei chuan German coach hian Kai Havertz chu striker-ah te a hmang a nih kha.

Tottenham striker hlui Peter Crouch chuan Chelsea in tun summer-ah Erling Haaland hi an la thei a nih ngat chuan season thar champion tura rinkai ber an nih a ring.

“Chelsea in Erling Haaland an la lut a nih chuan, rinhlel rual lovin nomawi chawi tura rinkai ber anni ang. Title challenge turin Squad tha tak an nei tawh anga, Champions League nomawi an chawi avang pawh khan an inringtawk zual sauh dawn a ni.” tiin Peter Crouch chuan Paddy Power a hrilh.

“Erling Haaland an nei thei a nih chuan 100 percent anni mai. Manchester City aia an chet that chuan mi an hip viau ang.” tiin a sawi bawk.

Source SK

Related Posts

Leave a Reply

Your email address will not be published. Required fields are marked *

error: Content is protected !!