Chelsea in Haaland man atan sum an thehchhuak tlem. Mahse, an player pakhat pek tel an phal

Games 52 a khelh atangin goal 49 lai mai a khung hnuah, Erling Haaland hi khawvel hmun hrang hrang atangin duhtu a nei tam hle. Premiere League club lian Chelsea pawh amah duhtu zingah tel vein, la thei tura rinkai ber pakhat a ni.

News report hrang hrangin an an sawi dan chuan, Europe champion hian a vawikhatna atan Dortmund star tlanna tur sum an thehchhuak niin an tarlang a, mahse, German club Dortmund tan chuan a duhawm vak lo niin a lang.

Erling Haaland hi tunlai khawvelah striker tha ber pakhat anga sawi a ni a, a mak lem lo, club leh ram tana a chet dan ngaihtuah chuan che tha tak a ni.

TEAMtalk in a tarlan dan chuan Chelsea chuan Norway captain hi Stamford Bridge lamah lak luh an tum dawn a, a man tan hian pawisa mai bakah player an offer thu a tarlang.

Chelsea lam hian Borussia Dortmund striker lak luhna atan sumfai £60 million an theh chhuak a, hei mai bakah an striker Tammy Abraham chu an offer tel, Abraham hlut zawng hi £35 million a ni.

Dortmund lam atangin chhanna engmah an hmu lova, engmah chiang a la awm theilo.

Borussia dortmund lam hian Abraham plus cash hi an hnawl a nih chuan, a tlem berah Chelsea lamin Erling Haaland man atan £150 million an pek a ngai dawn a ni.

Erling Haaland duhtu an tam hle a, hei vang hian Borussia Dortmund lam pawhin kum 20 a upa Erling Haaland man hi an ti pun hluai a rinawm.

Erling Haaland hian release clause a nei a, a release clause hi £68 million a ni. Kum 2022 atangin a active tan ang.

Dortmund lamin an hnawl zel a nih chuan, Chelsea hian £100 million an pek mai bakah Abraham an pek a ngai dawn a ni. Tunah rih chuan eng thu chiang mah a la awm thei lova, summer transfer window chhung hian chiang turah ngai ang.

Source SL

Related Posts

Leave a Reply

Your email address will not be published. Required fields are marked *

error: Content is protected !!