Chelsea in £100 Million in Romelu Lukaku an la lut thei a nih chuan, Manchester United in hlawkna an tel ve dawn

Romelu Lukaku hi Chesea lamah a insawn thei a nih chuan Manchester United lam awhin transfer window-ah hlawkna an tel ve thei dawn.

Chelsea football club chuan tun summer transfer window-ah hian an squad-ah striker tha ve tak seng luh an tum dawn a, an duh zawng tak an lak theih ngei tawhna turin sum tamtak sen awh an inhuam a ni.

Borussis Dortmund chuan an striker Erling Haaland hrah chhuah an tum a, a transfer release clause an puan hmain Chelsea chuan lak an lo tum tawh a ni, mahse, Haaland man hi a release clause te nen Pound maktaduai 170 lai a tlin avangin Chelsea lam hian lak an tum leh lo niin report in an tarlang.

Manchester City in Harry Kane lak luh an tum ruh hle a, Chelsea lam pawhin Lukaku chu an first choice atan an dah ve a ni.

Chelsea hian Romelu Lukaku man atan hian Pound maktaduai 85.4 mai bakah Marcos Alonso an offer a, mahse, Inter Milan hian an striker man atan Pound maktaduai 100 lai an hauh ve thung.

European champion Chelsea in Romelu Lukaku hi an la lut thei a nih chuan, Manchester United lamin Pound maktaduai 5 ve an hlawh ve thei dawn a ni.

Kum 28 a upa Romelu Lukaku hi Old Trafford-ah khan season 2 hun a hmang a, 2017-2019 thleng khan, United tan match 96 a inlan atangin goal 42 a khung a ni, a che chhe lem lo hle.

The Telegraph in an tarlan dan chuan Manchester United leh Serie A Champion Inter Milan te hian Sell clause 5% an nei a, Inter Milan in an romelu lukaku an hralh chuak thei a nih chuan United hian 5% an dawng ve dawn a ni.

Source SB

Related Posts

Leave a Reply

Your email address will not be published. Required fields are marked *

error: Content is protected !!