C Ronaldo’an Jersey number 7 petu Cavani hnenah lawmthu a sawi

Cristiano Ronaldo chuan Manchester United jersey number 7 a hak theihna Edinson Cavani hnenah message a thawn.

Tun season Premiere League match khelh tawhah Edinson Cavani chuan Jersey number 7 ha tawh mahse, Red Devils chuan C Ronaldo’an Jersey number 7 a hak tur thu an confirm a ni.

Edinson Cavani hian Jersey number 21 a ha tawh dawn a, hei hi Uruguay tan alo ha thin tawh a ni, he number 21 a hak theihna chhan pakhat pawh Daniel James’an United chhuahsanin Premiere league club Leeds United a zawm vang a ni.

Kan hriat angin Manchester United jersey number 7 hi a lar thawkhat hle a, Ronaldo’an United a chhuahsan hnu atang khan hlawhtlin pui an awm vak tawh lo, Antonio Valencia, Memphis Depay leh Alexis Sanchez te hian an hlawhchham pui der tawh a ni.

Cristiano Ronaldo chuan jersey number 7 a hak theih lehna kawngah a teammate Edinson Cavani hnenah lawmthu a hrilh a ni.

“Jersey number 7 hi ka hak leh theih pawh ka ring tawh lo” tiin C Ronaldo chuan a sawi niin Daily Mirror in an tarlang.

“Chuan Edi chungah hian lawmthu ka sawi duh tak zet a, thil ropui tak min tih sak a ni.” tiin a sawi bawk.

Ole Gunnar Solskjaer team Manchester United hian kar leh lamah Newcastle United an tum dawn a, hetih hunah hian Ronaldo pawh a khelh theih a rinawm.

Source SL

Related Posts

Leave a Reply

Your email address will not be published. Required fields are marked *

error: Content is protected !!