C Ronaldo’an Coca Cola a hnawl a, Pogba’an Heineken a hnawl ve

Euro 2020 group match France leh Germany khelhah khan France chuan 1-0 in hnehna an chang a, press conference neihnaah Paul Pogba chuan dawhkan atangin Heineken a dah bo.

Kum 2018 khan Paul Pogba leh Kurt Zouma’an Mecca-ah an sakhua (Muslim) hmun thianghliam an tlawh a nih kha. Euro 2020 official sponsor tu pakhat alcohol (Heineken) hi Muslim sakhua tan chuan phal loh a ni.

Portugal superstar Cristiano Ronaldo pawhin Coca Cola bottle pahnih chu a dawhkan atangin a dah bova, hemi hnu hian kum 28 a upa France star Paul Pogba pawhin Heineken (beer) hi a dah bo ve bawk.

Mahse, fan thenkhat chuan Heineken hi free alcohol a nih thu an sawi a. Thenkhatin mawhchhiat theih a nih loh thu an sawi ve bawk.

Supporter pakhat chuan ti hian a sawi, “Muslim mi leh sa hmaa zu lam thil (alcohol) dah hi inzah lohna pakhat a ni, hetah hian Paul Pogba hi mawhchhiat theih a ni lo.” tiin a sawi.

Pakhat dangin, “Muslim a ni a, engvangin nge a hmaah beer an dah? Sponsor tu te hian chhia leh tha an hre vek awm sia.” tiin a sawi vek bawk.

A pathumna in, “Muslim a ni a, a duhtlanna i zahder a ngai” tiin a sawi.

Hetia Paul Pogba tantu an awm lai hian amah mawhchhiattu pawh an awm ve bawk.

“Muslim a ni tih chu tupawhin an hri ang, Pogba hian beer promote a duhlo nih hi.”

“A hnunga Heneken Logo zawng zawng hi a paihthla vek dawn em? tiin a sawi.

Tunkar tira Portugal in Hungary 3-0 lai maia an hneh tum Press conference an neihnaah pawh khan C Ronaldo chuan dawhkan atangin Coca-Cola bottle 2 a dah bo tawh a nih kha.

Ballon d’Or vawi 5 lai dawng tawhtu hian Soda tel tamna lam aiin tui in tam a that zawk zia a sawi a nih kha.

Spokeperson chuan, “Player te chu Press conference a an lo kal in tui, Coca Cola leh Coca Cola zero sugar chhawp sak thin anni” tiin a sawi.

France in Germany an hneh tum khan Paul Pogba hi a khel tha hle a, Germany defender Antonio Rudiger’an a seh niin a sawi tel bawk.

Source SB

Related Posts

Leave a Reply

Your email address will not be published. Required fields are marked *

error: Content is protected !!