C Ronaldo’an a hma lam hun tur a teammate te a hrilh?

Kan hriat angin Juventus superstar Cristiano Ronaldo chu club chhuahsan tur anga sawi a tam hle a, season thar lo awm tura a plan neih te a teammate te hnenah a hrilh niin report in a tarlang.

Italy-ah hian kum khat daih contract la nei rih mahse, a lan danah chuan tun summer transfer window lo awm turah hian C Ronaldo hian Italian club lian Juventus hi chhuahsan a tum hle niin a lang.

Marca tarlan dan chuan Portuguese forward hian a teammate te nen inbia in a plan neih te a sawi chhuak a, season thar lo awm turah hi chuan Bianconeri a chhuahsan dawn niin a hrilh. Mahse, a kal lehna tur erawh a la thli thlai rih niin an tarlang.

Kum 36 a upa C Ronaldo hmalam hun hi a chiang tawhlo hle a, a bikin Juventus board lamin a hlawh a tam em avangin hralh an tum tih thuthang a len hnu phei kha chuan a dinhmun a nghet tawh lo hle.

Real Madrid forward hlui hian Instagram lamah Turin chhuahsan tur ang deuhin thu a lo post tawh a nih kha. Juventus league game hnuhnung berah khan Bologna an hmachhawn a, 4-1 in Juve lamin hnehna an chang. Kha tiang game pawimawh lutuk, season thar UEFA Champions League khelh theihna turin points 3 hlu tak hlawh chhuah ngei ngei a ngaih laiin, C Ronaldo erawh bench-ah a thu a nih kha.

C Ronaldo hian Juventus chhuahsan a tum tak tak tawh a ni ang nge?

Source SL

Related Posts

Leave a Reply

Your email address will not be published. Required fields are marked *

error: Content is protected !!