C Ronaldo record siam, Messi’an a khum ve thei ngai miah loh tur 5 te

Lionel Messi leh Cristiano Ronaldo hi khawvel footballer ropui pahnih an ni. Football khawvela hun an hman tawhah khan record tam tak an siam, siam belh leh tur pawh a awm nuk a rinawm.

Cristiano Ronaldo’an record a siam zingah Lionel Messi’an a khum theih loh tur record 5 kan rawn tarlang ve leh dawn a ni.

5. Champions League season 6 chhung a zawnin top Scorer a ni.

Real Madrid v Liverpool - UEFA Champions League Final

UEFA Champions League-a goal khung hi thil awlsam lo tak a nih ngei a rinawm. Mahse, Cristiano Ronaldo erawh chu Europe club inelna sang ber Champions League-ah season 6 chhung a zawnin top scorer a ni thei.

Cristiano Ronaldo hi Champions League history-a goal khung hnem ber a ni. Record duhawm tak a neih hi 2012/13 season atangin 2017/18 season thleng khan top scorer a ni.

Lionel Messi hi a upa ve tawh a, he record hi a khum theih tawh a rinawm loh.

4. Cristiano Ronaldo hian ram hrang hrang pathum atangin League nomawi a chawi thei

Manchester United v Arsenal - Premier League

Cristiano Ronaldo leh Lionel Messi hi khawvel footballer ropui ber anga sawi an ni a, mahse, Lionel Messi’an C Ronaldo a phak lohna pakhat chu ram hrang 3 atanga league nomawi chawi theih lamah hian a ni. Lionel Messi chuan ram pakhatah chauh League nomawi a chawi.

Cristiano Ronaldo hi Manchester United atanga rawn lar tan a ni a, Premiere League nomawi a chawi, United atangin Real Madrid-ah insawnin La Liga nomawi 2 a chawi a, Juventus lamah insawn lehin Serie A titles 2 a chawi leh bawk a ni.

Lionel Messi erawh Spain club lian FC Barcelona-ah a hun zawng zawng a la hmang a, La Liga league nomawi chiah a la chawi thei.

3. Leagues hrang 3 ah Top Scorer

Cristiano Ronaldo Receives His Fourth Golden Boot Award

Cristiano Ronaldo hi goal khung theih lamah world class a ni. Kum lamah pawh upa deuh tawh mahse, goal a la khung thei hle.

Kum 36 a upa C Ronaldo hian Premiere League Golden Boot a dawng a, 2007/08 season khan League match 34 a khelh atangin goals 31 lai a khung a ni. Real madrid a awm lai khan Pichichi Trophy vawi 3 lai a dawng bawk. Real Madrid history-a goal khung hnem ber a ni.

Serie A lamah pawh ala che tha chhunzawm zel a, season khelh zawh takah pawh khan league match 29 a khelh atangin goals 33 lai a khung. Lionel Messi hian Pichichi trophy vawi 8 lai a dawng, mahse, league dangah erawh a la dawng lo.

2. International goal khung tam lamah

Spain v Portugal - International Friendly

Cristiano Ronaldo hi a ram Portugal tan match vawi 174 a khelh tawh atangin goal 103 lai a khung tling tawh. Lionel Messi hian a ram Argentina tan match vawi 143 a khelh tawh atang goal 74 a khung ve bawk. Lionel Messi hian a phak theih tawh a rinawm lo.

1. Club pahnih atanga Ballon d’Or dawn

Real Madrid v Sevilla - La Liga

Manchester United lama C Ronaldo a khelh lai khan Ballon d’Or vawikhatna a dawng a, vawi hnihna chu Real Madrid-ah a dawng.

Lionel Messi hian FC Barcelona tana a khelh laiin Ballon d’Or a dawng. Club dang atangin Ballon d’Or a dawn hmel loh.

Source SL

Related Posts

Leave a Reply

Your email address will not be published. Required fields are marked *

error: Content is protected !!