C Ronaldo fapa in Messi a hmuh hmasak ber lai khan eng thu nge a sawi?

Cristiano Ronaldo fapa in hun rei tak a pa elpui ber lo ni tawh Lionel Messi a hmuh hmasak berna a a thusawi sawi chhuah a ni.

Kan hriat angin C Ronaldo leh Lionel Messi hi kum 20 dawn tep chu khawvel player tha ber an lo ni tawh a, level sang takah an lo awm tawh a ni. Kum 2008 atanga chhutin an pahnih Ballon d’Or dawn belh khawm zawng zawng chu 11 lai a tling tawh a ni.

Kum 2009 atanga kum 2018 khan an pahnih karah inhnialna hrang hrang a awm a, vawi tamtak khaikhin an lo ni tawh thin. A bik takin club lian pahnih Real Madrid leh Barcelona tana an khelh lai phei kha chuan an fans te an tang thei hle.

Kum 2017 khan Ballon d’Or ceremony-ah C Ronaldo fapa Cristiano Junior pawh a pi (C Ronaldo nu) nen an tel ve a, a tupa in a taka Messi a hmuh hmasak berna a ni bawk nen, Messi san zawng chuan a barakhaih hle niin a sawi.

“Kha tih lai khan kan awm dun a, kei chuan, ‘en teh Messi a nih saw’ tiin ka sawi, ani chuan, ‘Messi a ni lo, a hniam lutuk’ tiin min hrilh.” tiin C ROnaldo nu Dolores Aveiro chuan kum 2020 khan a rawn sawi chhuak niin Marca chuan a tarlang.

“A phur hle, Messi hi mi tha tak a ni. Ka tupa pawh tunah chuan Messi ai a sang der tawh niin nui chungin a sawi a, kha hun kha a hlimawm hle.” tiin a sawi bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!