C Ronaldo bialnu Georgina’in Ronaldo hmalam hun tur a sawi

Kan hriat angin Juventus superstar Cristiano Ronaldo transfer chungchangah sawi a tam hle a, hetih laiin a bialnu Georgina Rodriguez-i chuan kum 36 a upa a bialpa hmalam hun tur a sawi chiang niin report in a tarlang.

Georgina hi Netflix lamah docu-reality show star nih a tum hle a, an homeland Spain-ah khawlai a kal lai chu video a siam a, he video a post comment naah C Ronaldo hmalam hun tur chungchang a comment a ni.

Video a post naah hian comment a tam teuh mai a, Spanish tawngin, “Cristiano Ronaldo hi Juventus-ah ala awm dawn nge dawn lo?” tiin zawhna an rawn siam.

Georgina Rodriguez-i chuan reply let vein, “Ala awm ang” tiin a chhang.

C Ronaldo bialnu Georgina comment na atanga thlir chuan Manchester United lamah C Ronald hi a kal loh hmel.

Tunkar tirah khan Red Devils hian Paul Pogba leh C Ronaldo inthleng an duh thu reports hrang hrangin an tarlang a, a agent pawhin Paris Saint Germain lamah offer an neih thu a sawi ve bawk.

Cristiano Ronaldo leh a bialnu Georgina Rodriguez thlalak nalh (Gallery)

Read More (Chelsea a zawm hma khan City nen mimal thilah an inrem hman, tunah chuan a chhan let a ngai dawn ta!)

Chelsea fans tamtak te chuan Chelsea lamah Jorginho awmchhan an hre ngei tawh ang.

Italian star Jorginho hian Chelsea club tan match 100 dawn lai mai a inlan tawh a, mahse, club tan hian duh angin a che tha vak lo ti ila kan sawi sual awm lo ve.

Maurizio Sarri’an Chelsea a enkawl lai khan Jorginho hi £57.4 million laiin a la lut, kha tih lai khan Blues legend Gianfranco Zola pawh Chelsea-ah a awm.

Zola hi fans ten Chelsea history-a player tha berah an thlang nghe nghe. Chelsea management lama a awm lai khan Jorginho a duhsak hle a, hmun hlu tak mai a luahtir, vawiin ni thlengin Chelsea rinrawl pakhat a ni.

Zola hi thla 12 chhung Chelsea management lamah hun a hman chhung khan Chelsea chu league table-ah pathumna an ni a, Europa League nomawi chawi bawkin, Carabao Cup final-ah Manchester City chu penalty vang chauhvin an hneh lo, an che chhe zawkzawk lo a ni.

Zola chuan ti hian a sawi, “Fans te chuan tackles tha, hnung lam atanga ball chhuh thei, leh player nek tlu thei an duh maithei. Englai pawha amah zawhna awm tur chu, Thil dik lo a awm emaw, Jorginho’an a tihsualin amahin a dawng anga a thaibo zel ang.”

“Mahse, Manchester City khan Jorginho lei an duh. Engtiang chiahin nge an lak luh tep tih chu ka hrelo. Mahse, kan hnena rawn kal kha a thlang ta zawk a ni.

“Club dangin an hrilh lo pawh a ni lo”

“I team in inpuahchahna tha neih an duh a, passing team nih an duh chuan Jorginho hi a ni mai.”

“Englai pawhin a awmna tur hmun dikah a awm reng thin a, defender leh midfielder dangin ball an chanin, a support tha thei hle. Ball a hot tawh chuan englai pawhin ball a pek theih reng.”

“Player biru ve ngailo a ni. Sarri hnuaiah a khel a, a hnuah Frank Lampard hnuaiah, tunah Thomas Tuchel hnuaiah pawh player pawimawh tak pakhat a ni.”

“Fans te chuan Jorginho hi manager tan a perfect tih an hrethiam.”

“Jorgo hi ball control-ah chauh player pawimawh a ni lova, vawi tamtak chu hotu chan a chang a ni.”

“Mawhphurhna an pe a, a awmzia chu player ang zawngin an dah hlu tihna a ni, mahse, a nungchang a tha hle.”

“Enlai pawhin i ring thei ang. Player tamtak chu pressure awmna hnuaia ball khawih an duh lo, mahse, Jorgo chu anmahni ang a ni lo.”

“Pressure sang tak hnuaia ball control i mamawh laia player inthup ngailo i neih chuan, i dah hlu hle tur a ni. A chang chuan mipui lam pawhin he thil hi an hmu thin lo.” tiin Zola chuan Jorginho thatna a sawi chhuak.

Maurizio Sarri’an Chelsea a zawm hma deuh hlek khan Jorginho chuan City chu mimal thilah alo inremsiam pui hman a, mahse, Sarri’an Chelsea a enkawl khan Chelsea lam a pan ta zawk a ni. Tunah chuan a club hnawl ngei mai, UCL final-ah a hmachhawn dawn a, engtiangin nge a chhan let dawn ilo thlir ang.

Source The Sun Football

Related Posts

Leave a Reply

Your email address will not be published. Required fields are marked *

error: Content is protected !!