‘Brendan Rogers’an United boss Ole a thlak chuan, C Ronaldo hi nuai bo rawh se’

Brendan Rodgers’an Manchester United boss atan Ole Gunnar Solskjaer a thlak a nih chuan, Cristiano Ronaldo hi nuai bo/thian rawh se tiin Carlton Cole chuan a sawi. Liverpool manager hlui tuna Leicester City manager nilai mek Brendan Rogers hi Man Utd manager thar tura rinkai ber pakhat a ni mek.

Kan hriat angin Manchester United chuan 4-1 lai maia Watford an hneh loh hnuah an manager Solskjaer bantir an rem ti tawh a ni. International break neih hma khan Manchester City lakah 2-0 in an lo tlawm tawh bawk.

Red Devils hian Ole Gunnar Solskjaer thlaktu tur an zawng tan nghal tawh a. Leicester City boss Brendan Rodger hi Ole thlaktu tur top candidate a nih thu report in a tarlang.

Premiere League striker hlui Cartlton Cole chuan Rodgers chu Old Trafford lamah hlawhtling ngei turin a duh. Mahse, Northern Irishman hian a hmasa berah Cristiano Ronaldo hi a nuai bo a ngai, a chhan chu club future a ni tawh lo tiin a sawi.

“Cristiano Ronaldo hi Rodgers’an a nuai bo a ngai. A chhan chu Brendon Rogers ang manager te hi chuan hmalam hun tur atan team an din thin a. Tuna player thenkhatte hi chu an khel tawh lo maithei, player tha deuh chauh an khel anga, Jude Bellingham pawh a rawn lut bawk ang.” tiin Carlton Cole chuan The Sports Bar a hrilh.

“Hmalam hun tur atan plan i neih chuan, Ronaldo hi Man United hmalam hun i ti thei ang em? A khelh duh dan kan hre vek, Brendan Rodger hian nawr vak vak te hi a duh a, tha ngah (energy) te, ball thiam te hi a duh a ni.” tiin a sawi bawk.

Zinedine Zidane’an Ole Gunnar Solskjaer a thlak a nih chuan, Cristiano Ronaldo pawh hi United tan ala khelh chhunzawm zel a rinawm.

Watford vs Manchester United - Premier League

Kan hriata angin Manchester United manager atan Leicester City boss Brendan Rodgers leh Ajax manager Erik Ten Haag hi langsar viau mahse. Red Devils lam hian an manager atan Zinedine Zidane lak luh an duh niin report in a tarlang.

Frenchman hian Real Madrid a enkawl chhung khan La Liga nomawi 2 leh UEFA Champions League nomawi 3 a chawi pui hman a ni.

Real Madrid-ah khan Zidane leh C Ronaldo relationship a tha ang reng a, kum 49 a upa ZIdane’an Ole a thlak a nih ngat chuan C Ronaldo pawh hi a chhawr chhunzawm ngei ang le.

Source SL

Related Posts

Leave a Reply

Your email address will not be published. Required fields are marked *

error: Content is protected !!