Breaking – Lionel Messi’an FC Barcelona a chhuahsan

FC Barcelona chuan an superstar Lionel Messi chu official takin club a chhuahsan thu an puang.

Catalan club lian Barcelona chuan kum 34 a upa Lionel Messi hian contract thar a sign loh tur thu an puang a ni.

Messi chungchangah hian Barcelona chuan thuchhuah siamin, “Lionel Messi leh Barcelona te chuan contract thar ziah chungchangah inremna engkim nei tawh mah ila La Liga dan hrang hrang avangin kan thil duh hi kan ti puitlin thei ta lova. Hetiang dinhmun ka tawh takah chuan Messi leh Barcelona te kan inthlunzawmna hi tih chah tawh mai a ngai dawn a, tum anga thil a kal theih tak loh avangin Messi leh keini club lam chuan pawi kan ti in Messi hi a hmalam hun zelah duhsakna sangber kan hlan a ni” tiin thuchhuah Barcelona chuan an siam.

Lionel Messi hian a naupan lai atang tawhin FC Barcelona hi a zawm tawh a, 2004/05 season khan a vawikhatna atan senior team tan a inlan a ni, kha tih lai khan Samuel Eto’o leh Ronaldinho te pawh an awm a nih kha.

Vawiin ni ah chuan kum 34 a upa Barcelona player ropui ber te zinga chhiar tel a ni tawh a, Barca tan match 788 a inlan atangin goal 977 lai maiah inhnamhnawihin, trophies 35 lai a chawi pui tawh a ni.

FC Barcelona lama hun a hman chhung hian mimal chawimawina sang ber Ballon d’Or paruk ai a dawng a, Argentina tan kum 2021 Copa America nomawi a chawi bawk.

Barcelona tana Messi trophy chawi tawh te:

La Liga : 10

Copa Del Rey : 7

Super Copa De Espana : 8

Champions League : 4

UEFA Super Cup : 3

Club World Cup : 3

Source SL

Related Posts

Leave a Reply

Your email address will not be published. Required fields are marked *

error: Content is protected !!