Breaking: Barcelona-ah Lionel Messi Contract neih a expired ta

FC Barcelona legend leh captain Lionel Messi’an FC Barca-a contract a neih chu official takin a expired tawh a, tunah chuan free agent in a chhuak thei tawh dawn a ni.

Lionel Messi’an Barcelona a contract a neih tawp hun chu vawiin July ni 1 hi a ni. Hetihlai hian Barcelona lam chuan a chhuak dawn lo niin an sawi a, an inringtawk hle.

Kan hriat angin summer transfer window hmasa zawkah khan Messi chuan Catalan club lian hi chhuahsan alo tum tawh a, Mahse, Barca president hlui Josep Maria Bartomeu’an chhuah phalna a pek loh avangin Camp Nou-ah khan a awm chhunzawm a ni.

Tunah chuan a contract neih te official takin a zo tawh a, Barcelona chhuahsan theihna huntha a nei a ni. Mahse, La Liga club Barcelona hian 2021/22 season khelh hmain contract thar an sign luih tir a rinawm.

Barca president Joan Laporta chuan Lionel Messi hi a chhuak lovang tiin a sawi a, transfer expert Fabrizio Romano pawhin Messi hian a naupanlai atang tawha a club hi a chhuahsan lovang tiin a sawi.

Tunhnai lawk khan Daily Mail chuan Messi contract chungchang chu kar lo awm turah hian an ti fel ang tiin a tarlang. Tunah hian engmah thuchiang a la awm lo, Barcelona a chhuahsan dawn nge, contract thar a sign belh zawk dawn.

Barcelona a chhuahsan a nih chuan, a record neih chu hei hi a ni, Barcelona tan match 778 lai mai a inlan thei a, goal 977 lai maiah a inhnamhnawih (contributed), trophies 35 lai a chawi bawk. A record neih hi a ropui hle.

Barcelona president Laporta-an Messi transfer chungchangah El Transistor a hrilh dan chuan, “Leo Messi hi awm rih turin kan duh a, Leo pawhin awm rih chu a duh. Engkimi mai hian kawng bik a nei vek a, Financial Fair Play-ah thil ngaihtuah fel tur kan nei, thil tha ber thleng turin kan bei zel” tiin alo sawi tawh a ni.

Source SL

Related Posts

Leave a Reply

Your email address will not be published. Required fields are marked *

error: Content is protected !!