Brazil in Olympic khel tur U23 squad an puang, Dani Alves pawh a tel

Brazil chuan Olympic Games khel tur squad an puang a, kum 38 a upa Dani Alves pawh squad-ah hian a tel a ni. Mahse, player tha thenkhatte erawh squad-ah hian an tello.

Olympic Games Under 23 neih turah hian kum 23 chung lam player 3 tel phal a ni a, mahse, Selecao lam hian kum upa lam player pahnih Dani Alves leh Malcom chiah an tel tir a ni.

Brazil U23 coach Andre Jardine chuan Paris Saint Germain star Neymar chu final squad-ah a tel tir lo a ni. Ani hi mi tamtakin a tel ngei an ring a, mahse, final squad-ah erawh a lang lo.

This image has an empty alt attribute; its file name is Neymar.jpg

Player tha dang pawh an tello nual a, Real Madrid rawlthar pahnih Rodrygo Goes leh Vinicius Junior pawh an tel lova, Arsenal striker Gabriel Martinelli pawh squad-ah a lang lo.

Brazil hi Group D ah awmin, Germany, Ivory Coast leh Saudi Arabia te nen an awm ho. Jardine chuan Alves a duh chhan sawiin, leadership avangin a team te chu an that phah thei niin a sawi.

“Dani hi mi tamtak hriat a ni” tiin Jardine chuan ESPN a hrilh.

“Player hlawhtling tam ber pakhat a ni.”

“Team ah hian experience a neih leh leadership a neih te a hmang tangkai ang. Olympics khelh hi a dream a ni a, a duhna te chu a hlawhtling dawn” tiin a sawi bawk.

Brazil U23 Olympics Games khel tur squad-a tello player tha te:

Rodrygo (Real Madrid)

Gabriel Martinelli (Arsenal)

Reinier (Real Madrid, on a two-year loan at Borussia Dortmund)

Neymar (Paris Saint-Germain)

Vinicius Junior (Real Madrid)

Olympic Games khel tur Brazil U23 Full Squad

Goalkeepers: Santos (Athletico PR), Brenno (Gremio)

Defenders: Dani Alves (Sao Paulo), Gabriel Menino (Palmeiras), Guilherme Arana (Atletico), Nino (Fluminense), Gabriel Magalhaes (Arsenal), Diego Carlos (Sevilla)

Midfielders: Douglas Luiz (Aston Villa), Bruno Guimaraes (Olympique Lyon), Matheus Henrique (Gremio), Gerson (Flamengo), Claudinho (Red Bull Braga)

Forwards: Malcom (FC Zenit), Antony (Ajax Amsterdam), Paulinho (Bayer Leverkusen), Matheus Cunha (Hertha Berlin), Pedro (Flamengo)

Related Posts

Leave a Reply

Your email address will not be published. Required fields are marked *

error: Content is protected !!