Brazil Fans ten Copa America 2021-ah Messi’an Argentina chu hnehna chan pui se tih an duh. Neymar a tawng chhuak.

Brazil superstar Neymar chuan a rampui fans ten an tumpui tur an duhsak zawk avangin a sawisel hlawm. 2021 Copa America final Maracana-a neih turah hian Brazil fan thenkhatte chuan Argentina an duhsak zawk, a chhan chu football legend Lionel Messi an tan vang a ni.

Brazil-ah hian COVID 19 a hluar hle a, hetihlaiin an ramah Copa America 2021 thlen tir a ni. Covid 19 hri a tam em avangin Brazil fans ten a hmunah inkhelh an en theilo. Hei vang pawh hian Brazil an duhsak vak lo pawh a ni mahna.

Brazil SporTV Journalist, Fabiola Andrade hi Messi avanga Argentina tantu pakhat a ni. Final-ah Messi hian Argentina hi hnehna chanpui se tih chu a duh.

Neymar will look to lead Brazil to their second consecutive Copa America title when they face Argentina in the final on Sunday, 11 July

“Mipui hmaa a darh hmain, ka insawifiah lawk, Brazil leh Brazilian football hi ka hmangaih a, Argentina-ah pawh thian tamtak ka nei. Mahse, ka thiante avangin Argentina hi Copa America final ah hnehna chang rawhse ka ti lo, ka tih chhan zawk chu football hi ka hmangaih a, a bik takin Lionel Messi hian a ram tan nomawi chawi hi a mamawh a ni.” tiin Andrade chuan Instagram lamah a sawi.

He thil a post avang hian Brazil superstar Neymar a lungawi vak lo.

“Brazilian ka ni a, Brazil hi ka hmangaih a, ka inchhuang bawk. Ka dream chu englai pawh Brazilian team a awm leh fans te zai ngaihthlak hi a ni. Brazil hi ka attack ngai lova, eng sport-ah pawh ka support reng thin. Brazilian ka ni a, Brazilian dang nen kan inang lovem ni? tiin a sawi.

“A thusawi hi ka zah der a, but, go to —” tiin a post, tawngkam thalo a hman khum tih a chiang.

Source SL

Related Posts

Leave a Reply

Your email address will not be published. Required fields are marked *

error: Content is protected !!