‘Barcelona tan Haaland aiin Mbappe hi a tlak zawk ang’ – Andres Iniesta

FC Barcelona legend Andres Iniesta chuan Catalan club lian Barca tan Erling Haaland ai chuan Kylian Mbappe hi a tlak (fit) zawk a ring.

Kylian Mbappe leh Erling Haaland hi Paris Saint-Germain leh Borussia Dortmund tan an chet that em avangin mitamtakin football superstar an nih an ring a ni.

Thla 12 liamta atang khan striker pahnih hi Camp Nou lama lut tur anga sawi thawm a awm tawh a, mahse, Barcelona leh Spain star hlui Andres Iniesta chuan Frenchman Kylian Mbappe khelh dan chu FC Barcelona khel dan nen a mawi tawk niin a sawi.

“Barcelona tan Erling Haaland aiin Kylian Mbappe hi a tlak zawk ang, a chhan chu a zia avang pawhin a ni mahna.” tin Andres Iniesta chuan¬†El Transistor¬†a hrilh.

MCCCMWMCB

“An pahnih hi player tha tak anni a, mi zawng zawngina an sawi ber te anni. Tun summer-ah hian an chhuak lo a nih chuan, an team khelhnaah an that zia kan hmu chhunzawm thei ang.” tiin a sawi bawk.

Iniesta hian kum 18 a upa FC Barcelona midfielder Pedri a fak hle, kum hmasa lamah khan Catalan club lian hi a zawm a, a che tha hle, Euro 2020 khelh mekah pawh a che tha hle.

“Pedri chungchanga pawimawh ber chu Pedri a nihna hi a ni.” tiin a sawi belh.

“Ka player duh zawng tak a ni, naupang a la ni a, thanglian zel tur a nih mai bakah thil tamtak thiam tur a la nei teuh.”

“A khelh lai ka en thin hian, field chhunga player khel tha tak ka hmu thin, amah chu ka en ber pakhat a ni.” tiin a sawi belh bawk.

Source SL

Related Posts

Leave a Reply

Your email address will not be published. Required fields are marked *

error: Content is protected !!